സൊമാലിയന്‍ കടല്‍ക്കൊള്ളക്കാരില്‍ നിന്ന് ഇന്ത്യന്‍ നാവിക സേന മോചിപ്പിച്ച ലൈബീരിയന്‍ പതാകയുള്ള ചരക്ക് കപ്പലില്‍ നിന്നുള്ള ഇന്ത്യന്‍ ജീവനക്കാരുടെ ദൃശ്യങ്ങള്‍ പുറത്ത്. ‘എംവി ലില നോര്‍ഫോക് ‘ എന്ന കപ്പല്‍ റാഞ്ചിയതില്‍ നിന്ന് രക്ഷിച്ച ഇന്ത്യന്‍ നാവിക സേനയ്ക്ക് ജീവനക്കാര്‍ നന്ദി പറയുന്നതും ഭാരത് മാതാ കീ ജയ് വിളിക്കുന്നതും ദൃശ്യങ്ങളില്‍ കാണാം.
15 ഇന്ത്യക്കാരുള്‍പ്പെടെ 21 ജീവനക്കാരാണ് കപ്പലില്‍ ഉണ്ടായിരുന്നത്. 24 മണിക്കൂറുകളോളം തങ്ങള്‍ കുടുങ്ങിക്കിടന്നുവെന്നും നാവിക സേനയെത്തി രക്ഷപ്പെടുത്തിയതോടെയാണ് ആശ്വാസമായതെന്നും സംഘത്തിലുണ്ടായിരുന്നയാള്‍ വീഡിയോയില്‍ പറയുന്നത് കാണാം.
#WATCH | First visuals of the rescued Indians, who were a part of the crew, onboard the hijacked vessel MV Lili Norfolk. The jubilant members of the crew chant “Bharat Mata ki Jai” and thank the Indian Navy.
All 21 crew, including 15 Indians, were safely evacuated by the Indian… pic.twitter.com/uoL96VIrEw
— ANI (@ANI) January 6, 2024
ഹൂതി ആക്രമണത്തെ പ്രതിരോധിക്കാന്‍ നാവിക സേന അറബിക്കടലില്‍ വിന്യസിച്ചിരുന്ന ഐ.എന്‍.എസ് ചെന്നൈ എന്ന കപ്പലാണ് ഇന്ത്യക്കാരുള്‍പ്പെട്ട ചരക്കു കപ്പലിനെ കൊള്ളസംഘത്തില്‍ നിന്നും രക്ഷിച്ചത്. വെള്ളിയാഴ്ച വൈകിട്ട് രക്ഷാദൗത്യവുമായി മര്‍കോസ് ഹെലികോപ്റ്ററില്‍ കപ്പലിലിറങ്ങി. എന്നാല്‍ നാവിക സേന എത്തുന്നതിന് മുമ്പ് തന്നെ അക്രമികള്‍ കപ്പല്‍ ഉപേക്ഷിച്ച് പോയിരുന്നു. തുടര്‍ന്ന് കപ്പലില്‍ എത്തി രക്ഷാദൗത്യം പൂര്‍ത്തീകരിക്കുകയായിരുന്നു.
