ചിറക്കേക്കാട് മകന്റെ കുടുംബത്തെ പെട്രോള്‍ ഒഴിച്ച് തീ കൊളുത്തി പിതാവ് ആത്മഹത്യയ്ക്ക് ശ്രമിച്ചു. ചിറക്കേക്കോട് സ്വദേശി ജോജി, ഭാര്യ ലിജി, 12 വയസുള്ള മകന്‍ ടെണ്ടുല്‍ക്കര്‍ എന്നിവര്‍ക്കാണ് പൊള്ളലേറ്റത്. ഇന്നലെ അര്‍ധരാത്രിയോടെയായിരുന്നു സംഭവം.
ജോജിയുടെ പിതാവ് ജോണ്‍സണ്‍ ആണ് തീകൊളുത്തിയത്. പൊള്ളലേറ്റവരെ സ്വകാര്യ ആശുപരത്രിയില്‍ പ്രവേശിപ്പിച്ചു. മൂന്നുപേരുടെയും നില ഗുരുതരമാണ്. ഭാര്യയെ മറ്റൊരു മുറിയില്‍ പൂട്ടിയിട്ട ശേഷമാണ് ജോണ്‍സണ്‍ മൂന്നുപേരെയും തീ കൊളുത്തിയത്.
ഇവരെ തീ കൊളുത്തിയ ശേഷം ജോണ്‍സണ്‍ ആത്മഹത്യയ്ക്ക് ശ്രമിച്ചു. വിഷം കഴിച്ച നിലയില്‍ വീടിന്റെ ടെറസില്‍ ആണ് ജോണ്‍സണെ കണ്ടെത്തിയത്.
സെക്യൂരിറ്റി ജീവനക്കാരനാണ് ജോണ്‍സണ്‍. ലോറി ഡ്രൈവറാണ് മകന്‍ ജോജി.
