എറണാകുളം മഹാരാജാസ് കോളേജിന്റെ പേരില് വ്യാജരേഖ ചമച്ച് ഗസ്റ്റ് ലക്ചര് ആയി ജോലി ചെയ്തെന്ന് പരാതി. മഹാരാജാസ് കോളേജ് പൂര്വ വിദ്യാര്ത്ഥിയാണ് വ്യാജരേഖയുണ്ടാക്കി മറ്റൊരു കോളേജില് ഗസ്റ്റ് ലക്ചര് ആയത്.
മഹാരാജാസ് കോളേജ് പൊലീസില് പരാതി നല്കിയിട്ടുണ്ട്. കോളേജിന്റെ സീലും വൈസ് പ്രിന്സിപ്പാളിന്റെ ഒപ്പും വ്യാജമായി ഉണ്ടാക്കിയാണ് ജോലി ചെയ്തത്. രണ്ട് വര്ഷം മഹാരാജാസ് കോളേജില് താത്കാലിക അധ്യാപികയായി ജോലി ചെയ്തുവെന്നാണ് വ്യാജ രേഖ ചമച്ചത്.
അട്ടപ്പാടി സര്ക്കാര് കോളേജില് അഭിമുഖത്തിന് തയ്യാറായപ്പോള് സംശയം തോന്നിയ അധികൃതര് മഹാരാജാസ് കോളിജിനെ സമീപിക്കുകയായിരുന്നു. ഇതിന് പിന്നാലെയാണ് തട്ടിപ്പ് നടത്തിയ വിവരം പുറത്തറിഞ്ഞത്.
കാസര്ഗോഡ് സ്വദേശിനിയായ പൂര്വ്വ വിദ്യാര്ത്ഥിനിയാണ് വ്യാജ രേഖയുണ്ടാക്കിയത്. 2018-19, 2020-21 വര്ഷങ്ങളില് ഗസ്റ്റ് ലക്ചററായിരുന്നു എന്നാണ് സര്ട്ടിഫിക്കറ്റ്. സര്ട്ടിഫിക്കറ്റിലെ കോളേജിന്റെ എംബ്ലവും വ്യാജമാണെന്ന് സ്ഥിരീകരിച്ചു.
