മോഹന്ലാലിന്റെ മലൈക്കോട്ടൈ വാലിബന് പോലെ തന്നെ പ്രേക്ഷകര് ആകാംഷയോടെ കാത്തിരിക്കുന്ന മറ്റൊരു ചിത്രമാണ് എമ്പുരാന്. നിലവില് ലൂസിഫറിന്റെ രണ്ടാം ഭാഗമായ എമ്പുരാന് അണിയറയില് ഒരുങ്ങിക്കൊണ്ടിരിക്കുകയാണ്. ഇപ്പോഴിതാ ചിത്രത്തിന്റെ രണ്ടാം ഷെഡ്യൂള് പൂര്ത്തിയായ വിവരം പുറത്തുവിട്ടിരിക്കുകയാണ് പൃഥ്വിരാജ്.
മൈക്കുമായി പാക്ക്അപ്പ് പറയാന് നില്ക്കുന്ന തന്റെ ചിത്രമാണ് പൃഥ്വിരാജ് ട്വിറ്ററില് പങ്കുവെച്ചത്. ചിത്രത്തില് പൃഥ്വിരാജിന് പിന്നിലായി ഒരു ഫൈറ്റര് ജെറ്റും കാണാന് സാധിക്കുന്നുണ്ട്. ഇത് ചിത്രത്തിന്റെ സ്കെയില് എത്രത്തോളം വലുതാണെന്ന സൂചനയാണ് പ്രേക്ഷകര്ക്ക് നല്കുന്നത്.
2023 ഒക്ടോബര് അഞ്ചിനാണ് എമ്പുരാന് ഷൂട്ടിംഗ് ആരംഭിച്ചത്. ലൂസിഫര് നിര്മ്മിച്ച ആശിര്വാദ് സിനിമാസ് തന്നെയാണ് എമ്പുരാനും നിര്മ്മിക്കുന്നത്. മുരളി ഗോപി തന്നെയാണ് തിരക്കഥയും നിര്വ്വഹിച്ചിരിക്കുന്നത്. സുജിത്ത് വാസുദേവാണ് ചിത്രത്തിന്റെ ഛായാഗ്രാഹകന്. സംഗീതം ദീപക് ദേവ്.
#L2E End of Schedule 2! 🇬🇧 pic.twitter.com/oNga1m2vNw
— Prithviraj Sukumaran (@PrithviOfficial) January 21, 2024
