കേരളത്തിന് അനുവദിച്ച രണ്ടാമത്തെ വന്ദേ ഭാരത് എക്സ്പ്രസിന് തിരൂരില് സ്റ്റോപ്പ് അനുവദിച്ചതായി ഇ.ടി മുഹമ്മദ് ബഷീര് എം.പി. റെയില്വേ ഇക്കാര്യം അറിയിച്ചതായി എം.പി അറിയിച്ചു.
ആദ്യത്തെ വന്ദേ ഭാരതിന് കൂടി സ്റ്റോപ്പ് അനുവദിക്കണം, അതിനായുള്ള ശ്രമങ്ങള് തുടരുകയാണ് എന്നും ഇ.ടി മുഹമ്മദ് ബഷീര് പറഞ്ഞു.
‘വലിയൊരു സന്തോഷ വാര്ത്ത പങ്കുവെക്കുകയാണ്. പുതിയ വന്ദേഭാരതിന് മലപ്പുറം ജില്ലയിലെ പ്രധാന സ്റ്റേഷനായ തിരൂരില് സ്റ്റോപ് അനുവദിച്ചതായി റെയില്വേ അറിയിച്ചു. കഴിഞ്ഞ ദിനങ്ങളില് ഇതനായി റെയില്വേ മന്ത്രിയെയും ബന്ധപ്പെട്ടവരെയും കണ്ടിരുന്നു. ഇനി ആദ്യത്തെ വന്ദേ ഭാരതിന് കൂടി സ്റ്റോപ്പ് അനുവദിക്കണം, അതിനായുള്ള ശ്രമങ്ങള് തുടരുകയാണ്,’ ഇ.ടി മുഹമ്മദ് ബഷീര് ഫേസ്ബുക്കില് കുറിച്ചു.
ഞായറാഴ്ചയാണ് പുതിയ വന്ദേഭാരതിന്റെ ഉദ്ഘാടനം. തിരൂര് കൂടാതെ തിരുവനന്തപുരം, കൊല്ലം, ആലപ്പുഴ, എറണാകുളം, തൃശൂര്, ഷൊര്ണൂര്, കണ്ണൂര്, കാസര്ഗോഡ് എന്നിവിടങ്ങളിലാണ് വന്ദേഭാരത് എക്സ്പ്രസിന് സ്റ്റോപ്പുള്ളത്.
