സർവർ തകരാർ താത്കാലികമായി പരിഹരിച്ചതിനെ തുടർന്ന് സംസ്ഥാനത്ത് റേഷൻ വിതരണം ഇന്ന് പുനരാരംഭിക്കും. സർവർ തകരാർ മൂലം ദിവസങ്ങളായി റേഷൻ വിതരണം നിർത്തിവെയ്ക്കുകയായിരുന്നു. സർവറിലെ ലോഡ് കുറച്ചാണ് തകരാർ പരിഹരിച്ചതെന്നാണ് ഭക്ഷ്യമന്ത്രിയുടെ ഓഫീസ് അറിയിച്ചത്. എന്നാൽ റേഷൻ വിതരണത്തിലെ പോരായ്മകൾ പരിഹരിക്കാത്തതിൽ പ്രതിഷേധിച്ച് മെയ് രണ്ടിന് കരിദിനം ആചരിക്കുമെന്ന് കോൺഗ്രസ് പ്രഖ്യാപിച്ചു.
സർവറിന്റെ ശേഷി കൂട്ടാത്തതാണ് ഇ പോസ് തകരാറിന് കാരണമെന്നായിരുന്നു ആദ്യം കണ്ടെത്തിയ കാരണം. ലോഡ് കുറയ്ക്കാൻ നടപടിയെടുത്തിട്ടുണ്ടെന്ന് പലതവണ പറഞ്ഞിരുന്നെങ്കിലും യഥാർത്ഥത്തിൽ ലോഡ് കുറച്ചത് കഴിഞ്ഞ ദിവസം മാത്രമായിരുന്നു.
അതേസമയം ഏപ്രിൽ മാസത്തെ റേഷൻ മെയ് 5 വരെ തുടരും. അതിനു ശേഷം മാത്രമായിരിക്കും മെയ് മാസത്തെ റേഷൻ വിതരണം ആരംഭിക്കുക.
