മാതാവ് ജയിലിൽ; മൂന്ന് കുട്ടികൾക്ക് തുണയായി ദുബായ് പോലീസ്

ദുബായിൽ കേ​സി​ലകപ്പെട്ട് ജ​യി​ലി​ൽ കഴിയുന്ന വി​ധ​വ​യായ സ്ത്രീയുടെ മൂ​ന്നു​ കു​ട്ടി​ക​ൾ​ക്ക് താങ്ങായി ദു​ബൈ പൊ​ലീ​സ്. കോ​ട​തി​യു​ടെ പ​രി​ഗ​ണ​ന​യിലുള്ള കേ​സി​ലാണ് ഈ സ്ത്രീ ജ​യി​ലി​ലാ​യത്. ​കേസ് നടക്കുന്ന ആ​ദ്യ ഘ​ട്ട​ത്തി​ൽ കു​ട്ടി​ക​ൾ അ​പാ​ർ​ട്ട്മെൻറി​ൽ ത​നി​ച്ചാ​ണെ​ന്ന കാ​ര്യം ഇവർ പൊ​ലീ​സി​നോ​ട്​ വെ​ളി​പ്പെ​ടു​ത്തി​യി​രു​ന്നി​ല്ല. തനിച്ചാണെന്നറിഞ്ഞാൽ കു​ട്ടി​ക​ളെ സാ​മൂ​ഹി​ക പ​രി​ച​ര​ണ കേ​ന്ദ്ര​ങ്ങ​ളി​ലേ​ക്ക്​ മാറ്റും. അങ്ങനെ സംഭവിച്ചാൽ അവർ വേ​ർ​പെ​ട്ടു​പോ​കു​മെ​ന്ന്​ ഭ​യപ്പെട്ടതിനാലാണ് ഇ​ക്കാ​ര്യം മ​റ​ച്ചു​വെ​ച്ചതെന്ന് ഇവർ പറഞ്ഞു. പെട്ടന്ന് തന്നെ ജയിൽ നിന്ന് മോചിതയാവുമെന്നാണ് ഇവർ കരുതിയിരുന്നത്.

എ​ന്നാ​ൽ, ജയിൽ മോചിതയാവാൻ സമയമെടുക്കുമെന്ന് മനസിലാക്കിയപ്പോഴാണ് മ​ക്ക​ൾ ത​നി​ച്ചാ​ണെ​ന്ന കാ​ര്യം ഇ​വ​ർ ഉ​ദ്യോ​ഗ​സ്ഥ​രോ​ട്​ വെ​ളി​പ്പെ​ടുത്തിയത്. കൂടാതെ സാ​മ്പ​ത്തി​ക ബുദ്ധിമുട്ട് കാ​ര​ണം പ​ണ​മ​ട​ക്കാ​ൻ സാധിക്കാത്തതിനാൽ താ​മ​സി​ക്കുന്ന അ​പാ​ർ​ട്ട്​​മെ​ന്‍റി​ന്‍റെ കു​ടി​വെ​ള്ളവും വൈ​ദ്യൂ​തി വി​ത​ര​ണം നി​ല​ച്ച നി​ല​യി​ലാ​യി​രു​ന്നു. ഇവർ ജ​യി​​ലി​ലേ​ക്ക്​ പോ​കു​ന്ന​തി​ന്​ മു​മ്പാ​യി കു​ട്ടി​ക​ളെ ശ്ര​ദ്ധി​ക്കാ​ൻ സു​ഹൃ​ത്തി​നെ ഏ​ൽ​പി​ച്ചി​രു​ന്നു.

അതേസമയം കു​ട്ടി​ക​ളു​ടെ കാ​ര്യം അ​റി​ഞ്ഞ​തോ​ടെ പൊ​ലീ​സ്​ അ​തി​വേ​ഗം തന്നെ നടപടികൾക്കൊരുങ്ങി. ഈ സ്ത്രീയുടെ ഒ​മ്പ​തും 12ഉം 15​ഉം വ​യ​സ്സു​ള്ള മൂ​ന്ന്​ കു​ട്ടി​ക​ളെ​യാ​ണ്​ പൊ​ലീ​സ്​ അ​പാ​ർ​ട്ട്​​മെ​ന്‍റി​ൽ നിന്നും ക​ണ്ടെ​ത്തി​യ​ത്. ഷാ​ർ​ജയിലെ സാ​മൂ​ഹി​ക സേ​വ​ന വ​കു​പ്പി​ന്‍റെ ബാ​ലാ​വ​കാ​ശ സം​ര​ക്ഷ​ണ വ​കു​പ്പ് അ​ധി​കൃ​ത​രു​ടെ സ​ഹ​ക​ര​ണ​ത്തോ​ടെ​ കു​ട്ടി​ക​ളു​ടെ കാ​ര്യ​ത്തി​ൽ പൊ​ലീ​സ്​ ഇ​ട​പെ​ടുകയായിരുന്നു. കൂടാതെ ഇവരുടെ ആ​ഗ്ര​ഹം​പോ​ലെ കു​ട്ടി​ക​ളെ ഇവരിൽ നിന്നും വേ​ർ​പെ​ടു​ത്താ​തെ തന്നെ സം​ര​ക്ഷി​ക്കാ​നാ​ണ്​ പൊ​ലീ​സ്​ തീ​രു​മാ​നം. ജ​യി​ൽ മോ​ചി​ത​യാ​കു​ന്ന​തു​ വ​രെ കു​ട്ടി​ക​ളു​ടെ സം​ര​ക്ഷ​ണ​ത്തി​നായി മറ്റു ബ​ന്ധു​ക്ക​ളി​ല്ലാ​ത്ത​തി​നാ​ൽ വ​നി​ത പൊ​ലീ​സ്​ ഉ​ദ്യോ​ഗ​സ്ഥ ത​ന്നെയാണ് സേ​വ​ന​ത്തി​നാ​യി രം​ഗ​ത്തെ​ത്തിയത്.

മൂ​ന്ന് കു​ട്ടി​ക​ൾ​ക്കും പ്ര​തി​മാ​സ ചെ​ല​വി​നു​ള്ള സാ​മ്പ​ത്തി​ക സ​ഹാ​യം ഹ്യൂ​മാ​നി​റ്റേ​റി​യ​ൻ കെ​യ​ർ ഡി​പ്പാ​ർ​ട്ട്‌​മെ​ന്‍റ്​ല​ഭ്യ​മാ​ക്കും. ഇതിനോടകം തന്നെ എ​ല്ലാ വാ​ട​ക, യൂ​ട്ടി​ലി​റ്റി ബി​ല്ലു​ക​ളും അ​ട​ച്ചു​തീ​ർ​ക്കു​ക​യും ചെ​യ്തി​ട്ടു​ണ്ട്. നി​ല​വി​ൽ മൂ​ന്നു കു​ട്ടി​ക​ളും ആ​രോ​ഗ്യ​ത്തോ​ടെ ഒ​രു​മി​ച്ചു ക​ഴി​യു​ക​യാ​ണെ​ന്ന് ദുബായ് പോലീസ് വ്യക്തമാക്കി. ഇവർ മാ​താ​വു​മാ​യി നി​ര​ന്ത​രം ബ​ന്ധ​പ്പെ​ടു​ന്നു​ണ്ടെ​ന്നും ദു​ബൈ വ​നി​ത ജ​യി​ൽ ഡ​യ​റ​ക്ട​ർ കേ​ണ​ൽ ജാ​മി​ല അ​ൽ സ​ആ​ബി അറിയിച്ചു.