സനാതന ധര്‍മ പരാമര്‍ശത്തിനെതിരായ പ്രചരണങ്ങളില്‍ ഉദയനിധി സ്റ്റാലിനെ പിന്തുണച്ച് സംവിധായകന്‍ പാ. രഞ്ജിത്ത്. ഉദയനിധി സ്റ്റാലിന്റെ വാക്കുകളെ വളച്ചൊടിച്ച് വംശഹത്യയ്ക്കുള്ള ആഹ്വാനമായി ദുരുപയോഗം ചെയ്യുന്നത് അംഗീകരിക്കാനാവില്ലെന്ന് പാ. രഞ്ജിത്ത് എക്‌സില്‍ കുറിച്ചു.
തുല്യതയും സാമൂഹ്യ നീതിയും നടപ്പിലാക്കാന്‍ സനാതന ധര്‍മം ഉന്മൂലനം ചെയ്യണമെന്ന് ആവശ്യപ്പെട്ടുകൊണ്ടുള്ള ഉദയനിധിയുടെ വാക്കുകളെ പിന്തുണയ്ക്കുന്നുവെന്നും പാ രഞ്ജിത്ത് പറഞ്ഞു.
Minister Udhyanithi’s (@UdhayStalin) statement calling for abolishment of Santana Dharma is the core principle of anti-caste movement for centuries. The roots of inhumane practices in the name of caste and gender lies in the Sanatana Dharma. Revolutionary leader Dr Babasaheb…
— pa.ranjith (@beemji) September 5, 2023
‘മന്ത്രി ഉദയനിധി സ്റ്റാലിന്‍ നടത്തിയ സനാതന ധര്‍മയുടെ ഉന്മൂലനം തന്നെയാണ് നൂറ്റാണ്ടുകളായി നടക്കുന്ന ജാതി വിരുദ്ധ പോരാട്ടങ്ങളുടെ അടിസ്ഥാന തത്വം. സനാതന ധര്‍മയില്‍ ജാതിയുടെയും ലിംഗത്തിന്റെയും പേരിലുള്ള മനുഷ്യത്വരഹിതമായ വേരുകള്‍ ഇപ്പോഴും ആഴ്ന്ന് കിടപ്പുണ്ട്. വിപ്ലവ നേതാവ് അംബേദ്കര്‍ ഇയോതീ താസ് , തന്തൈ പെരിയോര്‍, മഹാത്മ ഫൂലെ, സന്ത് രവിദാസ് എന്നിവരും നേരത്തെ തന്നെ ഇക്കാര്യം വ്യക്തമാക്കിയതാണ്.
മന്ത്രിയുടെ വാക്കുകള്‍ വംശഹത്യയ്ക്കുള്ള ആഹ്വാനമായി വളച്ചൊടിച്ചുക്കുന്നതിനെ അംഗീകരിക്കാനാകില്ല. മന്ത്രിക്കെതിരായ വളര്‍ന്നുവരുന്നെ ഈ വെറുപ്പ് പേടിപ്പെടുത്തുന്നതാണ്. തുല്യതയും സാമൂഹ്യ നീതിയും നടപ്പിലാക്കാന്‍ സനാതന ധര്‍മം ഉന്മൂലനം ചെയ്യണമെന്ന് ആവശ്യപ്പെട്ടുകൊണ്ടുള്ള ഉദയനിധിയുടെ വാക്കുകളെ ഞാന്‍ പിന്തുണയ്ക്കുന്നു. ഉദയനിധിക്ക് എന്റെ ഐക്യദാര്‍ഢ്യം,’ പാ. രഞ്ജിത്ത് എക്‌സ് പ്ലാറ്റ്‌ഫോമില്‍ കുറിച്ചു.
