നടനും സംവിധായകനുമായ ദിലീഷ് പോത്തന് യുഎഇ ഗോള്ഡന് വിസ. ദുബായിലെ മുന്നിര സര്ക്കാര് സേവന ദാതാക്കളായ ഇസിഎച്ച് ഡിജിറ്റല് ആസ്ഥാനത്ത് വച്ച് സിഇഒ ഇഖ്ബാല് മാര്ക്കോണിയില് നിന്നും താരം ഗോള്ഡന് വിസ ഏറ്റുവാങ്ങി. മഹേഷിന്റെ പ്രതികാരം എന്ന സിനിമയാണ് ദിലീഷ് പോത്തൻ ആദ്യമായി സംവിധാനം ചെയ്തത്. കൂടാതെ നിരവധി ചിത്രങ്ങളില് ശ്രദ്ധേയമായ വേഷങ്ങളും താരം കൈകാര്യം ചെയ്തിട്ടുണ്ട്.
വിവിധ മേഖലകളിൽ മികവ് തെളിയിച്ചവര്ക്കും നിക്ഷേപകര്ക്കും ബിസിനസുകാര്ക്കും യുഎഇ ഭരണകൂടം അനുവദിക്കുന്നതാണ് ഗോള്ഡന് വിസകള്. പത്ത് വര്ഷത്തെ കാലാവധിയുള്ള ഈ വിസകള് കാലാവധി പൂര്ത്തിയാവുമ്പോള് പുതുക്കി നല്കുകയും ചെയ്യുമെന്ന് ഔദ്യോഗിക വൃത്തങ്ങൾ അറിയിച്ചു. കൂടാതെ ഗോള്ഡന് വിസ അനുവദിക്കുന്നതിനുള്ള മാനദണ്ഡങ്ങളില് യുഎഇ അടുത്തിടെ ഇളവ് പ്രഖ്യാപിച്ചിരുന്നു. കൂടുതല് വിഭാഗങ്ങളിലേക്ക് ഗോള്ഡന് വിസയുടെ പ്രയോജനം എത്തിക്കാനാണ് ഇതിലൂടെ യുഎഇ ലക്ഷ്യമിടുന്നതെന്നും ഔദ്യോഗിക വൃത്തങ്ങൾ കൂട്ടിച്ചേർത്തു.
