ഖത്തറിലെത്തുന്ന ലോകകപ്പ് ആരാധകർക്ക് ഇൻഷുറൻസ് പാക്കേജുമായി ദേശീയ ഇൻഷുറൻസ് കമ്പനിയായ ദമാൻ. 14, 40 ദിവസത്തേക്കുള്ള 2 പാക്കേജുകൾ യുഎഇയിലും ഖത്തറിലുമാണ് പ്രാബല്യത്തിൽ വരിക. യുഎഇ വഴി ഖത്തറിലേക്കു പോകുന്നവർക്കാണ് ആനുകൂല്യം ലഭിക്കുക.
യുഎഇയിൽ താമസിച്ച് ഒന്നിലേറെ തവണ ഖത്തറിലേക്കു പോയി കളി കണ്ടു മടങ്ങുന്നവർക്ക് ഗുണകരമാകുന്നതാണ് പോളിസി. 2 ആഴ്ചത്തേക്കുള്ള പോളിസിക്ക് 20 ദിർഹമും 40 ദിവസത്തേക്കുള്ള പോളിസിക്ക് 50 ദിർഹമുമാണ് ഫീസ്. ലോകകപ്പിനെത്തുന്ന ഫുട്ബോൾ പ്രേമികൾക്ക് ലോകോത്തര മെഡിക്കൽ സേവനം ഉറപ്പാക്കുന്നതിന്റെ ഭാഗമായാണ് പദ്ധതി ആസൂത്രണം ചെയ്തതെന്ന് അധികൃതർ അറിയിച്ചു.
