ആദിവാസി യുവാവിന്റെ മുഖത്തും ദേഹത്തും ബിജെപി നേതാവ് മൂത്രമൊഴിച്ച സംഭവത്തിന് പിന്നാലെ മധ്യപ്രദേശില് ദളിത് യുവാവിനെതിരെ ക്രൂരമായ ആക്രമണം. ഗ്വാളിയോറിലെ ദബ്റ സ്വദേശിയായ യുവാവിനെ നാട്ടുകാരായ മറ്റൊരു സംഘം വാഹനത്തില് വെച്ച് യുവാവിനെ ക്രൂരമായി മര്ദ്ദിക്കുന്ന വീഡിയോ ആണ് പുറത്തുവന്നത്.
വീഡിയോയില് യുവാവിനെ കൂട്ടമായി മര്ദ്ദിക്കുന്നതും കാല്പാദം നക്കിക്കുന്നതും അശ്ലീല പദപ്രയോഗം നടത്തുന്നതും കാണാം. കാറിലുള്ളവര് യുവാവിന്റെ മുഖത്തും തലയിലും മര്ദ്ദിക്കുന്നുണ്ട്. യുവാവിനെ ഒരാള് ചെരിപ്പ്കൊണ്ട് അടിക്കുന്നുമുണ്ട്.
Video from Gwalior, Madhya Pradesh. Golu Gurjar and his friends are seen thrashing Mohsin with slippers and forcing him to lick his feet while abusing him.
C’C : @ChouhanShivraj @drnarottammisra @DGP_MP pic.twitter.com/59yvnu9Lk6
— Mohammed Zubair (@zoo_bear) July 8, 2023
വീഡിയോ വ്യാപകമായി പ്രചരിച്ചതോടെ സോഷ്യല് മീഡിയയില് വലിയ പ്രതിഷേധമാണ് ഉയര്ന്നത്. ഇതിന് പിന്നാലെ അക്രമിക്കപ്പെട്ട ബന്ധുക്കളുടെ പരാതിയില്
അക്രമികളായ രണ്ട് പേരെ അറസ്റ്റ് പൊലീസ് അറസ്റ്റ് ചെയ്തതായി മധ്യപ്രദേശ് ആഭ്യന്തര മന്ത്രി നരോത്തം മിശ്ര അറിയിച്ചു. തട്ടിക്കൊണ്ടു പോകല്, മര്ദ്ദനം എന്നീ വകുപ്പുകള് ചുമത്തിയാണ് കേസ് എടുത്തത്.
വാഹനത്തില് വെച്ച് ഒരു സംഘം ചേര്ന്ന് യുവാവിനെ മര്ദ്ദിക്കുന്ന വീഡിയോ വെള്ളിയാഴ്ചയോടെയാണ് ശ്രദ്ധയില്പ്പെട്ടതെന്ന് ദാബ്ര സബ്ഡിവിഷണല് പൊലീസ് ഓഫീസര് വിവേക് കുമാര് പറഞ്ഞു. വീഡിയോ ഫോറന്സിക് പരിശോധനയ്ക്ക് അയച്ചിട്ടുണ്ടെന്നും അദ്ദേഹം പറഞ്ഞു.
