ബിജെപി ബന്ധമുള്ള പാര്ട്ടിയായി ഇടതുമുന്നണിയില് തുടരാനാവില്ലെന്ന് ജെഡിഎസിനോട് സിപിഐഎം. അടിയന്തരമായി പ്രശ്നം പരിഹരിക്കണമെന്ന് സംസ്ഥാന നേതൃത്വത്തിന് സിപിഐഎം നിര്ദേശം നല്കി.
സി.പി.ഐ.എം നിര്ദേശത്തിന്റെ പശ്ചാത്തലത്തില് പ്രശ്നപരിഹരത്തിനുള്ള ശ്രമങ്ങളുമായി ജെഡിഎസ് നീങ്ങുന്നുണ്ടെന്നാണ് റിപ്പോര്ട്ടുകള്. ഒക്ടോബര് ഏഴിന് ജെഡിഎസ് സംസ്ഥാന നേതൃയോഗം എറണാകുളത്ത് ചേരുന്നുണ്ട്. ഇതിന് മുമ്പ് ദേശീയ നേതൃത്വവുമായി കൂടിക്കാഴ്ച നടത്തുമെന്നാണ് അറിയുന്നത്.
ബി.ജെ.പിയുമായി സഖ്യത്തില് ഏര്പ്പെടാനുള്ള ജനതാദള് (എസ്) ദേശീയ നേതൃത്വത്തിന്റെ തീരുമാനം കേരള ഘടകം അംഗീകരിക്കില്ലെന്ന് പാര്ട്ടിയുടെ കേരള ഘടകം പ്രസിഡന്റ് മാത്യു ടി തോമസ് പറഞ്ഞിരുന്നു. ബിജെപി വിരുദ്ധ കോണ്ഗ്രസ് ഇതര കക്ഷികളുമായി ചേര്ന്ന് പ്രവര്ത്തിക്കാനാണ് പാര്ട്ടിയുടെ ദേശീയ പ്ലീനവും ദേശീയ നിര്വാഹക സമിതിയും തീരുമാനിച്ചത്. അതിന് വിരുദ്ധമായ തീരുമാനം ചര്ച്ച ചെയ്തിട്ടില്ല. അതുകൊണ്ട് പ്ലീനം എടുത്ത നിലപാടിനൊപ്പം നില്ക്കുമെന്നുമാണ് മാത്യു ടി തോമസ് പറഞ്ഞത്.
കേരളം ഭരിക്കുന്നത് എന്ഡിഎ-ഇടതുമുന്നണി സര്ക്കാരാണെന്ന് പ്രതിപക്ഷം ആരോപണം ഉന്നയിച്ചിരുന്നു.
