യുകെയിൽ കോവിഡിൻ്റെ പുതിയ രണ്ട് വകഭേദങ്ങൾ പടരുന്നതായി സ്ഥിരീകരിച്ചു. ബി ക്യു 1, എക്സ് ബി ബി എന്നീ വകഭേദങ്ങളാണ് പടരുന്നത്. ഇതുവരെ ബി ക്യു 1 ബാധിച്ച 700 കേസുകളാണ് റിപ്പോർട്ട്‌ ചെയ്തിട്ടുള്ളത്. അതേസമയം എക്സ് ബി ബി ബാധിച്ചവരുടെ എണ്ണം 18 ആണ്.
ഓമിക്രോണിൻ്റെ ഉപ വകഭേദങ്ങളാണ് ഇവ രണ്ടും. എന്നാൽ, നിലവിൽ രോഗപ്രതിരോധ വാക്സിനുകൾ ഈ വകഭേദങ്ങൾക്കെതിരെ ഫലപ്രദമാവില്ലെന്ന് ആരോഗ്യ മന്ത്രാലയം മുന്നറിയിപ്പ് നൽകിയിട്ടുണ്ട്. അതേസമയം പുതിയ വകഭേദങ്ങൾ യൂറോപ്പിൽ പുതിയ കോവിഡ് തരംഗം സൃഷ്ടിക്കുമോ എന്നാ ആശങ്കയും നിലനിൽക്കുന്നു. ഇത് സംബന്ധിച്ച പഠനങ്ങൾ തുടരുകയാണ്.
അതേസമയം ഇന്ത്യയിലും എക്സ് ബി ബി വകഭേദം റിപ്പോർട്ട്‌ ചെയ്തിട്ടുണ്ട്. തമിഴ്നാട്, പശ്ചിമബംഗാൾ, ഒഡിഷ, കർണാടക, രാജസ്ഥാൻ, ഗുജറാത്ത് എന്നീ സംസ്ഥാനങ്ങളിലാണ് പുതിയ വകഭേദം സ്ഥിരീകരിച്ചത്. ഈ സാഹചര്യത്തിൽ കൂടുതൽ ജാഗ്രത പുലർത്തണമെന്ന് കേന്ദ്രം ആരോഗ്യ മന്ത്രി മൻസൂഖ് മാണ്ഡവ്യ പറഞ്ഞിരുന്നു.
