ചാന്ദ്രയാന്‍ 3 ന്റെ റോവര്‍ ചന്ദ്രോപരിതലത്തില്‍ നിന്ന് പകര്‍ത്തിയ ആദ്യ ചിത്രങ്ങള്‍ പുറത്തുവിട്ട് ഐഎസ്ആര്‍ഒ. ഇന്നലെ എടുത്ത ചിത്രങ്ങളാണ് പുറത്തുവിട്ടത്.
റോവര്‍ സഞ്ചരിച്ച് തിരിച്ച് അതിന്റെ സ്ഥാനത്ത് തന്നെ എത്തിയപ്പോഴത്തെ സഞ്ചാര പാതയുടെ ചിത്രവും റോവര്‍ പകര്‍ത്തിയ ഗര്‍ത്തത്തിന്റെ ചിത്രവുമാണ് ഐഎസ്ആര്‍ഒ പങ്കുവെച്ചിരിക്കുന്നത്.
റോവറിലെ നാവിഗേഷന്‍ ക്യാമറ പകര്‍ത്തിയ ചിത്രങ്ങളാണ് പങ്കുവെച്ചിരിക്കുന്നത്. റോവര്‍ സുരക്ഷിതമായി പുതിയ പാതയിലൂടെ സഞ്ചരിക്കുകയായിരുന്നുവെന്ന് ഐഎസ്ആര്‍ഒ പങ്കുവെച്ച ട്വീറ്റില്‍ പറയുന്നു.
അതേസമയം ചാന്ദ്രയാന്‍ 3ന്റെ വിക്ഷേപണം വിജയമായതിന് പിന്നാലെ സൂര്യപഠന ദൗത്യത്തിന്റെ വിക്ഷേപണ തീയതി ഐഎസ്ആര്‍ഒ പ്രഖ്യാപിച്ചു. സൗര ഗവേഷണത്തിനുള്ള ഇന്ത്യയിലെ ആദ്യ പദ്ധതിയായ ആദിത്യ എല്‍ 1 വിക്ഷേപണ കേന്ദ്രമായ ശ്രീഹരിക്കോട്ടയില്‍ നിന്ന് സെപ്തംബര്‍ രണ്ടിന് പകല്‍ 11.50ന് വിക്ഷേപിക്കുമെന്നാണ് അറിയിച്ചിരിക്കുന്നത്.
Chandrayaan-3 Mission:
On August 27, 2023, the Rover came across a 4-meter diameter crater positioned 3 meters ahead of its location.
The Rover was commanded to retrace the path.
It’s now safely heading on a new path.#Chandrayaan_3#Ch3 pic.twitter.com/QfOmqDYvSF
— ISRO (@isro) August 28, 2023
