നെടുമ്പാശ്ശേരി വിമാനത്താവളത്തില് ബോംബ് ഭീഷണി. ഭീഷണി സന്ദേശത്തെ തുടര്ന്ന് റണ്വേയിലേക്ക് നീങ്ങിയ വിമാനം തിരിച്ചു വിളിച്ചു.
രാവിലെ 10.40ന് ബംഗളൂരുവിലേക്ക് പറന്നുയരാനൊരുങ്ങിയ ഇന്ഡിഗോ വിമാനമാണ് തിരിച്ചുവിളിച്ചത്. ഭീഷണിയുടെ സാഹചര്യത്തില് യാത്രക്കാരെയും ലഗേജും പൂര്ണമായി ഇറക്കി വിമാനത്തില് ബോംബ് സ്ക്വാഡ് പരിശോധന നടത്തി വരികയാണ്.
ഇന്ഡിഗോ വിമാനത്തില് ബോംബ് വെച്ചിട്ടുണ്ടെന്ന് സന്ദേശം ലഭിക്കുകയായിരുന്നു. അജ്ഞാത സന്ദേശമാണ് ലഭിച്ചത്. എന്നാല് സന്ദേശം ലഭിക്കുമ്പോഴേക്കും വിമാനം റണ്വേയിലേക്ക് നീങ്ങിയിരുന്നു.
പരിശോധനയില് അസ്വാഭാവികമായി ഒന്നും കണ്ടെത്താനായിട്ടില്ല. ആശങ്കപ്പെടേണ്ട സാഹചര്യമില്ലെന്നാണ് അധികൃതര് പറയുന്നത്.
