മധ്യകിഴക്കന് അറബിക്കടലിന് മുകളില് ബിപോര്ജോയ് അതിശക്തമായ ചുഴലിക്കാറ്റായി ശക്തി പ്രാപിച്ചു. ബിപോര്ജോയ് ജൂണ് 15 ഓട് കൂടി ഗുജറാത്തിലെ സൗരാഷ്ട്ര-കച്ച് മേഖലയിലേക്ക് പ്രവേശിക്കും. മണിക്കൂറില് 150 കിലോമീറ്റര് വേഗത്തിലായിരിക്കും കാറ്റ് വീശുകയെന്ന് കാലാവസ്ഥ നിരീക്ഷണ കേന്ദ്രം അറിയിച്ചു.
അതേസമയം കേരളത്തില് അടുത്ത അഞ്ച് ദിവസം ഇടിമിന്നിലോട് കൂടിയ വ്യാപകമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. ഞായര്, തിങ്കള് ദിവസങ്ങളില് ഒറ്റപ്പെട്ട സ്ഥലങ്ങളില് ശക്തമായ മഴയ്ക്ക് സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു.
ഇന്ന് തിരുവനന്തപുരം, കൊല്ലം പത്തനംതിട്ട, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് എന്നീ ജില്ലകളില് ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴയ്ക്കും ശക്തമായ കാറ്റിനും സാധ്യതയുണ്ടെന്നും കാലാവസ്ഥ വകുപ്പ് മുന്നറിയിപ്പ് നല്കുന്നു.
അതേസമയം, വടക്ക് കിഴക്കന് ബംഗാള് ഉള്ക്കടലിലെ ന്യൂനമര്ദ്ദം ദുര്ബലമായി.
