പാര്ലമെന്റ് മാര്ച്ചിനിടെ പൊലീസ് കസ്റ്റഡിയിലെടുത്ത ഗുസ്തി താരങ്ങളുടെ സോഷ്യല് മീഡിയയില് പ്രചരിക്കുന്ന സെല്ഫി വ്യാജമെന്ന് ബജ്റംഗ് പൂനിയ. മോര്ഫ് ചെയ്ത ചിത്രവും യഥാര്ത്ഥ ചിത്രവും ട്വിറ്ററില് പങ്കുവെച്ചുകൊണ്ടായിരുന്നു ബജ്റംഗ് പൂനിയയുടെ പ്രതികരണം. ഇതിനെതിരെ പരാതി നല്കുമെന്നും അദ്ദേഹം പറഞ്ഞു.
‘ഐടി സെല് ആള്ക്കാര് വ്യാജചിത്രം പ്രചരിപ്പിക്കുകയാണ്. ഈ വ്യാജ ചിത്രം പ്രചരിപ്പിച്ചവര് ആരായാലും നിയമപരമായി പരാതി നല്കുകയാണെന്ന് ഇവിടെ വ്യക്തമാക്കുകയാണ്,’ എന്ന കുറിപ്പോടെയാണ് ബജ്റംഗ് പൂനിയ വ്യാജ ചിത്രം പ്രചരിപ്പിച്ചത്.
IT Cell वाले ये झूठी तस्वीर फैला रहे हैं। हम ये साफ़ कर देते हैं की जो भी ये फ़र्ज़ी तस्वीर पोस्ट करेगा उसके ख़िलाफ़ शिकायत दर्ज की जाएगी। #WrestlersProtest pic.twitter.com/a0MngT1kUa
— Bajrang Punia ???????? (@BajrangPunia) May 28, 2023
ജന്തര് മന്തറില് നിന്ന് പുതിയ പാര്ലമെന്റ് മന്ദിരത്തിലേക്ക് നടത്തിയ മാര്ച്ചിനിടെ അറസ്റ്റിലായ ഗുസ്തി താരങ്ങള് ചിരിച്ചുകൊണ്ടുള്ള ഒരു സെല്ഫിയാണ് വ്യാപകമായി പ്രചരിച്ചത്. എന്നാല് ഇത് വ്യാജമാണെന്ന് യഥാര്ത്ഥ ചിത്രം പങ്കുവെച്ചുകൊണ്ട് പൂനിയ വ്യക്തമാക്കി. വിനേഷ് ഫോഗട്ടും സഹോദരി സംഗീത ഫോഗട്ടും ട്വീറ്റ് ഷെയര് ചെയ്തു.
പാര്ലമെന്റ് മന്ദിരത്തിലേക്ക് നടന്ന മാര്ട്ടില് ഗുസ്തി താരങ്ങളും പൊലീസും തമ്മില് സംഘര്ഷമുണ്ടായിരുന്നു. ഗുസ്തി താരങ്ങളായ സാക്ഷി മാലിക്, വിനേഷ് ഫോഗട്ട്, സംഗീത ഫോഗട്ട്, ബജ്റംഗ് പൂനിയ എന്നിവരെ പൊലീസ് കസ്റ്റഡിയില് എടുത്തിരുന്നു.
താരങ്ങളെ ബലംപ്രയോഗിച്ചാണ് അറസ്റ്റ് ചെയ്ത് നീക്കിയത്. ഡല്ഹി അതിര്ത്തിയില് വെച്ച് തന്നെ താരങ്ങളെ പൊലീസ് തടഞ്ഞിരുന്നു. ബാരിക്കേഡ് മറികടന്ന് പോകാന് ശ്രമിച്ചതോടെ താരങ്ങളെ കസ്റ്റഡിയില് എടുക്കുകയായിരുന്നു.
ഗുസ്തി ഫെഡറേഷന് മുന് അധ്യക്ഷന് ബ്രിജ് ഭൂഷന്റെ അറസ്റ്റ് ആവശ്യപ്പെട്ടുകൊണ്ടാണ് ഗുസ്തി താരങ്ങള് സമരം നടത്തുന്നത്. ഇവരുടെ സമരവേദിയും പൊലീസ് അറസ്റ്റിന് പിന്നാലെ പൊളിച്ച് നീക്കിയിരുന്നു.
