ഏഷ്യന്‍ ഗെയിംസില്‍ ആദ്യ സ്വര്‍ണം കരസ്ഥമാക്കി ഇന്ത്യ. ഷൂട്ടിംഗ് ഇനത്തിലാണ് ഇന്ത്യയുടെ സുവര്‍ണ നേട്ടം. പുരുഷ വിഭാഗം എയര്‍ റൈഫിള്‍ ടീമിനത്തില്‍ ദിവ്യാന്‍ഷ് സിങ് പന്‍വര്‍, ഐശ്വര്യ പ്രതാപ് സിംഗ് തോമര്‍, രുദ്രാന്‍ക്ഷ് പാട്ടീല്‍ എന്നിവരുടെ ടീമാണ് സ്വര്‍ണം നേടിയത്.
ലോക റെക്കോര്‍ഡ് നേട്ടത്തോടെയാണ് ടീം സ്വര്‍ണം കരസ്ഥമാക്കിയത്. 1893.7 പോയിന്റാണ് ഇന്ത്യന്‍ ടീം നേടിയത്. കൊറിയ രണ്ടാം സ്ഥാനവും ചൈന മൂന്നാം സ്ഥാനവും കരസ്ഥമാക്കി.
റോവിംഗില്‍ ഏഷ്യന്‍ ഗെയിംസില്‍ ഇന്ത്യ വെങ്കലം നേടി. പുരുഷന്മാരുടെ നാല് വിഭാഗത്തില്‍ സ്വര്‍ണമാണ് നേടിയത്. ജസ്വീന്ദര്‍ സിംഗ്, ഭീം സിംഗ്, പുനിത് കുമാര്‍, ആശിഷ് എന്നിവരാണ് മെഡല്‍ നേടിയത്.
First 🥇 for #IndiaAtAG22
Gold Medal & a new World Record set by our #TeamIndia trio @DivyanshSinghP7, @RudrankkshP & Aishwary Pratap Singh Tomar in the 10m Air Rifle Men’s Team Event. Best wishes to them for the individual finals starting shortly!#Cheer4india #WeAreTeamIndia pic.twitter.com/jEhJyEoiDY
— Team India (@WeAreTeamIndia) September 25, 2023
കഴിഞ്ഞ ദിവസം മെഡല്‍ വനിത വിഭാഗം 10 മീറ്റര്‍ എയര്‍ റൈഫിള്‍സില്‍ വെള്ളി നേടിക്കൊണ്ടാണ് ഇന്ത്യയുടെ മെഡല്‍ കൊയ്ത്ത് ആരംഭിച്ചത്.
ആഷി ചൗക്സി, റമിത മെഹുലി ഘോഷ് എന്നിവര്‍ അടങ്ങിയ ടീമാണ് വെള്ളമെഡല്‍ സ്വന്തമാക്കിയത്.
തുഴച്ചിലില്‍ കഴിഞ്ഞ ദിവസം ഇന്ത്യ വെള്ളിയും വെങ്കലവും നേടിയിരുന്നു. അര്‍ജുന്‍ ലാല്‍-അരവിന്ദ് സിംഗ് സഖ്യമാണ് വെള്ളി നേടിയത്. ലൈറ്റ് വെയ്റ്റ് ഡബിള്‍ സ്‌കള്ളിലാണ് നേട്ടം.
മെന്‍സ് പെയറിലാണ് ഇന്ത്യന്‍ ടീം വെങ്കലം സ്വന്തമാക്കിയത്. ബാബു ലാല്‍ യാദവ്-ലേഖ്റാം സഖ്യത്തിനാണ് വെങ്കലം ലഭിച്ചത്. വനിത ക്രിക്കറ്റില്‍ ഇന്ത്യന്‍ ടീം ഫൈനലില്‍ എത്തി.
