ആനക്കൊമ്പന് ക്ഷീണിതനാണെന്ന തരത്തിലുള്ള പ്രചരണങ്ങളോട് പ്രതികരിച്ച് കളക്കാട് കടുവ സങ്കേതത്തിലെ ഡെപ്യൂട്ടി ഡയറക്ടര് എസ് സെമ്പകപ്രിയ. തമിഴ്നാട്ടിലെ മുണ്ടന്തുറൈ കടുവ സങ്കേതത്തില് കഴിയുന്ന അരിക്കൊമ്പന് ആരോഗ്യവാനാണെന്ന് സെമ്പകപ്രിയ പറഞ്ഞു.
ക്ഷീണിച്ച നിലയില് സാമൂഹ്യ മാധ്യമങ്ങളില് പ്രചരിച്ച ചിത്രം ജൂണ് 10ന് എടുത്ത ചിത്രമാണ്. ആന നില്ക്കുന്നതിന്റെ നൂറ് മീറ്റര് അകലെ നിന്ന് എടുത്ത ചിത്രമായതുകൊണ്ടാകാം അതില് അരിക്കൊമ്പനെ ക്ഷീണിതനായി തോന്നിക്കുന്നതെന്നും ഡെപ്യൂട്ടി ഡയറക്ടര് പറഞ്ഞു.
അപ്പര് കോതയാര് മേഖലയിലാണ് ഇപ്പോള് ആനയുള്ളതെന്നും ഇത് ധാരാളം വെള്ളവും ഭക്ഷണവും കിട്ടുന്ന സ്ഥലമാണെന്നും സെമ്പക പ്രിയ പറഞ്ഞു. അതേസമയം ആനയുടെ പുതിയ ചിത്രം പുറത്തുവിടണമെന്ന ആവശ്യത്തില് തീരുമാനം എടുക്കേണ്ടത് സര്ക്കാരാണെന്നും സെമ്പക പ്രിയ അറിയിച്ചു.
നേരത്തെ അരിക്കൊമ്പന് ക്ഷീണിതനാണെന്ന തരത്തില് വലിയ വാര്ത്തകള് പ്രചരിച്ചിരുന്നു. അരിക്കൊമ്പന്റെ ക്ഷീണിനായ രൂപമായിരുന്നു ചിത്രത്തില്. ഇതിന് പിന്നാലെ ആനയെ തമിഴ്നാട്ടിലേക്ക് മാറ്റിയതാണ് ആരോഗ്യം ക്ഷയിക്കാനുള്ള കാരണമെന്നും ആനയെ തിരിച്ച് കേരളത്തിലേക്ക് കൊണ്ടു വരണമെന്നുമുള്ള ആവശ്യങ്ങളുന്നയിച്ച് ആനപ്രേമികള് ഉള്പ്പെടെ രംഗത്തെത്തിയിരുന്നു. ഇതിന് പിന്നാലെയാണ് അരിക്കൊമ്പനെ മാറ്റിയ കടുവ സങ്കേതത്തിലെ ഡെപ്യൂട്ടി ഡയറക്ടര് ആനയെക്കുറിച്ചുള്ള വിവരങ്ങള് പങ്കുവെച്ചത്.
