കൊച്ചി: ആറാട്ട് സിനിമയുടെ റിവ്യൂ പറഞ്ഞ് വൈറലായ സന്തോഷ് വർക്കിക്ക് നേരെ തീയറ്ററിൽ കയ്യേറ്റ ശ്രമം. കൊച്ചി വനിത-വിനീത തീയറ്ററിന് മുന്നിൽ വച്ചായിരുന്നു കയ്യേറ്റ ശ്രമം നടന്നത്. ഇന്ന് റിലീസ് ചെയ്ത വിത്ത് ഇൻ സെക്കൻസ് എന്ന ചിത്രത്തിന്റെ റിവ്യൂവുമായി ബന്ധപ്പെട്ടായിരുന്നു പ്രശ്നങ്ങളുടെ തുടക്കം. വർക്കി ചിത്രം കാണാതെയാണ് റിവ്യൂ നൽകുന്നതെന്നും ഇതിനായി ഇയാൾ പണം കൈപ്പറ്റുന്നുണ്ടെന്നുമാണ് ചിത്രത്തിന്റെ അണിയറപ്രവർത്തകർ എന്ന് അവകാശപ്പെടുന്ന സംഘം ആരോപിച്ചത്.
ഓൺലൈൻ മാധ്യമങ്ങൾക്ക് മുന്നിൽ സിനിമയെ പറ്റി വിശദീകരിക്കുന്നതിനിടെ കടന്നുവന്ന സംഘം മർദിക്കുകയായിരുന്നു. സിനിമക്കെതിരായി പണം വാങ്ങി റിവ്യൂ നൽകുന്നുവെന്നായിരുന്നു ആരോപണം. ഇയാൾ പത്ത് മിനിറ്റ് പോലും പടം കണ്ടിട്ടില്ലെന്നും സംഘം ആരോപിക്കുന്നു. അതേ സമയം താൻ സിനിമ മുഴുവനായും കണ്ടിട്ടില്ലെന്നും മറ്റൊരു ഓൺലൈൻ മാധ്യമപ്രവർത്തകൻ നിർബന്ധിച്ചത് കൊണ്ടാണ് റിവ്യൂ പറഞ്ഞതെന്നും സന്തോഷ് വർക്കി വിശദീകരിച്ചു
