കേരളത്തിലെ പ്രമുഖ ഭക്ഷ്യബ്രാൻഡായ അജ്മിയുടെ പുതിയ ഉത്പന്നങ്ങൾ യുഎഇയിൽ അവതരിപ്പിച്ചു. നടി ഭാവനയാണ് പുതിയ ഭക്ഷ്യോത്പന്നങ്ങൾ യുഎഇ വിപണയിൽ അവതരിപ്പിച്ചത്. ദുബായ് ഹയാത്ത് റിജൻസിയിൽ വച്ച് നടന്ന പ്രൗഢഗംഭീരമായ ചടങ്ങിൽ മലയാളത്തിന്റെ പ്രിയ നടിയും അജ്മി ഫുഡ്സിന്റെ ബ്രാൻഡ് അംബാസിഡറുമായ ഭാവനയാണ് ഉൽപ്പന്നങ്ങളുടെ പ്രകാശന കർമ്മം നിർവഹിച്ചത്.
മലയാളിയുടെ പ്രിയപ്പെട്ട ഭക്ഷ്യവിഭവങ്ങൾ അങ്ങേയറ്റം പരിശുദ്ധിയോടെയും രുചിയോടെയും വിപണിയിൽ എത്തിക്കാനുള്ള അജ്മിയുടെ ആത്മാർത്ഥ പരിശ്രമത്തിൽ താത്പര്യം തോന്നിയാണ് ഞാൻ അജ്മിയുമായി ചേർന്ന് പ്രവർത്തിക്കാൻ തീരുമാനിച്ചത് എന്ന് നടി ഭാവന ചടങ്ങിൽ വ്യക്തമാക്കി.
പുട്ടുപൊടി അടക്കമുള്ള കേരള ബ്രേക്ക് ഫാസ്റ്റ് ഉത്പന്നങ്ങളുടെ മാർക്കറ്റ് ലീഡറായ അജ്മി, മസാല, അച്ചാർ വിപണികളിൽ കൂടി പ്രവേശിക്കുകയാണ്. ഗൾഫ് മലയാളികൾക്ക് ആവശ്യമായ എല്ലാ ഭക്ഷ്യവിഭവങ്ങളും ലഭ്യമാക്കുകയാണ് ലക്ഷ്യമെന്ന് അജ്മിയുടെ ഡയറക്ടേഴ്സ് ആയ റാഷിദും അഫ്സലും പറഞ്ഞു.
ഗുണമേന്മയുള്ള ഭക്ഷ്യോൽപ്പന്നങ്ങളുടെ ഒരു ഹബ്ബായി മാറുക എന്ന ലക്ഷ്യമാണ് അജ്മിയുമായി ഞങ്ങളെ അടുപ്പിച്ചതെന്നും ഈ ബന്ധം കൂടുതൽ കൂടുതൽ ശക്തമാവുകയാണെന്നും അജ്മിയുടെ യുഎഇ വിതരണക്കാരായ അൽസായി ഗ്രൂപ്പിന്റെ മാനേജിംഗ് ഡയറക്ടർ മജീദ് പുല്ലഞ്ചേരി യും സിഇഒ ഷാജി ബലയമ്പത്തും പറഞ്ഞു. പുതുതായി ഇറക്കിയ മുഴുവൻ ഉൽപ്പന്നങ്ങളും അടുത്ത മാസത്തോടെ യു എ ഇ യിൽ ലഭ്യമാകുമെന്ന് അൽസായി ഗ്രൂപ്പിന്റെ ട്രേഡ് മാർക്കറ്റിംഗ് മാനേജർ ഫസ്‌ന തളിക്കുളത്തിൽ അറിയിച്ചു. യുഎഇ റീട്ടെയിൽ മേഖലയിലെ പ്രമുഖരെല്ലാം തന്നെ ചടങ്ങിൽ സംബന്ധിച്ചു.
