തമിഴ് സിനിമാ താരം ധനുഷും ഐശ്വര്യ രജനികാന്തും വിവാഹം ബന്ധം വേർപ്പെടുത്തിയിട്ട് മാസങ്ങളേ ആയിട്ടുള്ളു. സിനിമലോകത്തെ മാത്രമല്ല സാധരണക്കാരെയും ഏറെ വിഷമിപ്പിച്ച വർത്തയായിരുന്നു ഇരുവരുടെയും വിവാഹമോചനം. എന്നാൽ ഇപ്പോൾ ഇരുവരും ഒന്നിച്ചു നിൽക്കുന്ന ചിത്രമാണ് വൈറൽ ആവുകയാണ്.
മക്കളായ യാത്രയുടെയും ലിംഗയുടെയും സ്കൂളിലെ പരിപാടിക്ക് അവരോടൊപ്പം നിൽക്കുന്ന ചിത്രമാണ് വൈറലാവുന്നത്. ഇവരുടെ കൂടെ ഗായകനും നടനുമായ വിജയ് യേശുദാസും ഭാര്യ ദർശനയെയും ഫോട്ടോയിൽ കാണാം. ഇവരും വേർപിരിഞ്ഞ വാർത്തകൾ പുറത്ത് വന്നിരുന്നു. ഇവരുടെ മകൾ ദർശനയ്ക്കൊപ്പമാണുള്ളത്.
ധനുഷിന്റെയും ഐശ്വര്യയുടെയും മൂത്തമകൻ യാത്ര സ്കൂൾ സ്പോർട്സ്ടീമിലെ ക്യാപ്റ്റൻ ആയി സത്യപ്രതിജ്ഞ ചെയ്യുന്ന ചടങ്ങിനാണ് ഇരു കുടുംബങ്ങളും ഒത്തുകൂടിയത്. ഓഗസ്റ്റ് 18 ന് റിലീസായ തിരിച്ചിത്രമ്പലം ആണ് ധനുഷിന്റെ പുതിയ ചിത്രം.
” എന്റെ മകൻ ഇന്ന് സ്കൂൾ സ്പോർട്സ് ടീമിന്റെ ക്യാപ്റ്റൻ ആയി സത്യപ്രതിജ്ഞ ചെയ്യുന്നത് ഞാൻ നേരിൽ കണ്ടു. വളരെയധികം അഭിമാനം തോന്നിയ നിമിഷമായിരുന്നു അത്. മക്കൾ നല്ല രീതിയിൽ തന്നെ വളരുകയാണ് ” ഐശ്വര്യ ഇൻസ്റ്റാഗ്രാമിൽ കുറിച്ചു.
