രാജ്യം സായുധ സേനാ ഏകീകരണത്തിന്‍റെ നാൽപ്പത്തിയേഴാം വർഷത്തിലേക്ക് കടക്കുന്നതിന്‍റെ നിറവിൽ യുഎഇ. 47 വർഷം പൂർത്തിയാകുന്ന മെയ് 6 ന് വൈകിട്ട് രാജ്യത്തിന്‍റെ യശസ് വാനോളമുയർത്തിയ ബുർജ് ഖലീഫയിലും അബുദാബി അഡ്നോക് ടവറിലും നാളെ വൈകിട്ട് 8.05 ന് ലേസർ ഷോ നടക്കും. പ്രതിരോധ മന്ത്രാലയത്തിന്‍റെ നേതൃത്വത്തിലാണ് പരിപാടി സംഘടിപ്പിച്ചിരിക്കുന്നത്.
1976 മെയ് 6 നാണ് യുഎഇ രാഷ്ടപിതാവ് ഷെയ്ഖ് സായിദ് ബിൻ സുൽത്താൻ അൽ നഹ്യാന്‍റെ നേതൃത്വത്തിൽ സായുധസേന ഏകീകരണം സാധ്യമായത്. രാജ്യത്തിന്‍റെ ആഭ്യന്തര-രാജ്യാന്തര സുരക്ഷയിൽ സായുധസേന വഹിക്കുന്ന പങ്ക് വളരെ വലുതാണ്. രാജ്യത്തിന്‍റെ ലക്ഷ്യങ്ങൾക്ക് പിന്നിലെ സുരക്ഷാ വലയമായി നിലകൊള്ളുകയാണ് സായുധസേന.
