ഗൗരി ഷിൻഡെ സംവിധാനം ചെയ്ത ബോളിവുഡ് ചിത്രം ഇംഗ്ലിഷ് വിംഗ്ലിഷിൽ നടി ശ്രീദേവി അണിഞ്ഞ സാരികൾ ലേലം ചെയ്യുന്നു. സിനിമയുടെ പത്താം വാർഷികത്തോടനുബന്ധിച്ചാണ് ലേലം പ്രഖ്യാപിചിരിക്കുന്നത്. ലേലത്തിൽ നിന്നും ലഭിക്കുന്ന തുക പെൺകുട്ടികളുടെ പഠനത്തിന് വേണ്ടി പ്രവർത്തിക്കുന്ന എൻജിഒയ്ക്കാണ് നൽകുക.
ഇംഗ്ലീഷ് വീഗ്ലീഷിൽ ശശി എന്ന കഥാപാത്രത്തെയാണ് ശ്രീദേവി അവതരിപ്പിച്ചത്. കഥാപാത്രം ഉടുത്തിരുന്ന സാരികൾ 10 വർഷമായി സൂക്ഷിച്ചുവച്ചിരിക്കുകയായിരുന്നു. പത്താം വാർഷികത്തോടനുബന്ധിച്ച് അന്ധേരിയിൽ ചിത്രത്തിന്റെ പ്രത്യേക സ്ക്രീനിങ്ങും ഉണ്ടാകുമെന്ന് സംവിധായിക ഗൗരി ഷിൻഡെ പറഞ്ഞു.
15 വർഷത്തെ നീണ്ട ഇടവേളയ്ക്ക് ശേഷം ശ്രീദേവി അഭിനയരംഗത്തേക്ക് വീണ്ടും തിരിച്ചെത്തിയ സിനിമ കൂടിയായിരുന്നു ഇംഗ്ലിഷ് വിംഗ്ലിഷ്. പ്രശസ്ത ഡിസൈനർ സബ്യസാച്ചി മുഖർജിയായിരുന്നു ചിത്രത്തിൽ ശ്രീദേവിയുടെ കഥാപാത്രം ധരിച്ചിരുന്ന മനോഹര സാരികൾ ഒരുക്കിയത്. 2012ഒക്ടോബർ 5 ഇൽ പുറത്തിറങ്ങിയ ചിത്രം വലിയ വിജയമായിരുന്നു. പിന്നാലെ തമിഴ് ഫാന്റസി ആക്ഷൻ-അഡ്വഞ്ചർ ചിത്രമായ പുലി, ഹിന്ദി ക്രൈം ത്രില്ലറായ മോം എന്നീ സിനിമകളിലും ശ്രീദേവി പ്രധാന വേഷത്തിൽ അഭിനയിച്ചു. 2018 ഫെബ്രുവരിയിലാണ് ശ്രീദേവി സിനിമാലോകത്തോട് വിടപറഞ്ഞത്.
