‘രോമാഞ്ചം’ എന്ന് സൂപ്പര്‍ ഹിറ്റ് ചിത്രത്തിനു ശേഷം ഫഹദ് ഫാസിലിനെ നായകനാക്കി ജിത്തു മാധവന്‍ തിരക്കഥയുമെഴുതി സംവിധാനം ചെയ്യുന്ന ‘ആവേശം’ എന്ന ചിത്രത്തിന്റെ ഒഫീഷ്യല്‍ ടീസര്‍ പുറത്തുവന്നു. മന്‍സൂര്‍ അലി ഖാന്‍, ആശിഷ് വിദ്യാര്‍ത്ഥി, സജിന്‍ ഗോപു,പ്രണവ് രാജ്, മിഥുന്‍ ജെ എസ്,റോഷന്‍ ഷാനവാസ്, ശ്രീജിത്ത് നായര്‍,പൂജ മോഹന്‍രാജ്,നീരജ് രാജേന്ദ്രന്‍,തങ്കം മോഹന്‍ തുടങ്ങിയവരാണ് ചിത്രത്തിലെ പ്രമുഖ താരങ്ങള്‍. 2024 ഏപ്രില്‍ 11-ന് എ ആന്റ് എ റിലീസാണ് ‘ആവേശം ‘ പ്രദര്‍ശനത്തിനെത്തിക്കുന്നത്. രംഗന്‍ എന്ന കഥാപാത്രത്തെയാണ് ഫഹദ് അവതരിപ്പിക്കുന്നത്.
അന്‍വര്‍ റഷീദ് എന്റര്‍ടൈന്‍മെന്റ്, ഫഹദ് ഫാസില്‍ ആന്റ് ഫ്രണ്ട്‌സ് എന്നീ ബാനറില്‍ അന്‍വര്‍ റഷീദ്, നസ്രിയ നസീം എന്നിവര്‍ ചേര്‍ന്നാണ് ചിത്രം നിര്‍മിച്ചിരിക്കുന്നത്. ചിത്രത്തിന്റെ ഛായാഗ്രഹണം നിര്‍വഹിച്ചിരിക്കുന്നത് സമീര്‍ താഹിര്‍ ആണ്. വിനായക് ശശികുമാര്‍ എഴുതിയ വരികള്‍ക്ക് സുഷിന്‍ ശ്യാം സംഗീതം പകരുന്നു.
വിവേക് ഹര്‍ഷനാണ് ചിത്രത്തിന്റെ എഡിറ്റര്‍. മൊഹസിന്‍ ഖായിസ് ആണ് പ്രോജക്ട് സിഇഒ. എ ആര്‍ അന്‍സാര്‍ ആണ് എക്‌സിക്യൂട്ടീവ് പ്രൊഡ്യൂസര്‍. പി കെ ശ്രീകുമാര്‍ ആണ് ലൈന്‍ പ്രൊഡ്യൂസര്‍. അശ്വിനി കാലേയാണ് പ്രൊഡക്ഷന്‍ ഡിസൈന്‍. കോസ്റ്റുംസ്-മഹര്‍ ഹംസയും മേക്കപ്പ്-ആര്‍ ജി വയനാടനുമാണ് നിര്‍വഹിച്ചിരിക്കുന്നത്.
വിഷ്ണു ഗോവിന്ദ് ആണ് ഓഡിയോഗ്രഫി. ചേതന്‍ ഡിസൂസ ആക്ഷന്‍ നിര്‍വഹിക്കുന്നു. എഗ്ഗ് വൈറ്റ് ആണ് വിഎഫ്എക്‌സ്, വിനോദ് ശേഖറാണ് പ്രൊഡക്ഷന്‍ കണ്‍ട്രോളര്‍. അരുണ്‍ അപ്പുക്കുട്ടന്‍ ആണ് സുമിലാല്‍ സുബ്രമണ്യന്‍ ചീഫ് അസോസിയേറ്റ് ഡയറക്ടര്‍.
സ്റ്റില്‍സ്-രോഹിത് കെ സുരേഷ്, നിദാദ് കെ എന്‍, ഡിസൈന്‍-അഭിലാഷ് ചാക്കോ. എസ് ദിനേശ് ആണ് പി ആര്‍ ഒ.
