നടി മോളി കണ്ണമ്മാലിയെ ശ്വാസകോശ അണുബാധയെ തുടർന്ന് ആശുപത്രിയിൽ പ്രവേശിപ്പിച്ചു. ആരോഗ്യ നിലയിൽ അതീവ ഗുരുതരാമാണെന്ന് ആശുപത്രി വൃത്തങ്ങൾ അറിയിച്ചു. ഇപ്പോൾ എറണാകുളം ഫോർട്ട് കൊച്ചിയിലെ സ്വകാര്യ ആശുപത്രിയിൽ ചികിത്സയിലാണ് നടി.
മൂന്നു ദിവസം മുൻപ് വീട്ടിൽ ബോധം കെട്ടു വീണതിനെ തുടർന്നാണ് നടിയെ ആശുപത്രിയിൽ പ്രവേശിപ്പിച്ചത്. അതേസമയം ഹൃദയസംബന്ധമായ അസുഖത്തെ തുടർന്നു കുറച്ചു കാലമായി ചികിത്സയിലായിരുന്നുവെന്നാണ് ഔദ്യോഗിക വൃത്തങ്ങൾ അറിയിച്ചത്. നിലവിൽ നടി ഐസിയുവിലാണ്. കൂടാതെ ആരോഗ്യനിലയിൽ കാര്യമായ മാറ്റമില്ലെന്നാണ് പുറത്ത് വരുന്ന വിവരം. എന്നാൽ നേരത്തെ രണ്ടു തവണ ഹൃദയാഘാതം ഉണ്ടായെങ്കിലും ആരോഗ്യവതിയായി തിരിച്ചെത്തി അഭിനയ രംഗത്ത് സജീവമായിരുന്നു. അന്ന് നടൻ മമ്മുട്ടി ഉൾപ്പടെയുള്ളവരുടെ സാമ്പത്തിക സഹായത്താലായിരുന്നു ചികിത്സ പൂർത്തിയാക്കിയത്.
അതേടാ നിലവിലെ ആശുപത്രിയിലുള്ള നടിയുടെ സാമ്പത്തിക സ്ഥിതിയും മികച്ച നിലയിലല്ല. കടുത്ത സാമ്പത്തിക പ്രതിസന്ധിയുണ്ടെന്നാണ് ബന്ധുക്കൾ പറയുന്നത്. സത്രീധനം എന്ന സീരിയലിലൂടെ അഭിനയത്തിൽ അരങ്ങേറ്റം കുറിച്ച മോളി ചാള മേരി’ എന്ന കന്നി കഥാപാത്രത്തെ ഹിറ്റാക്കി. പിന്നീട് ഈ പേരിലാണ് താരം അറിയപ്പെടുന്നത്.
