യുഎഇ വിസ പുതുക്കാനും എമിറേറ്റ്സ് ഐഡിക്കും അപേക്ഷിക്കുമ്പോൾ ഫോട്ടോ മാനദണ്ഡം പാലിച്ചില്ലെങ്കിൽ അപേക്ഷ തള്ളും. വിസ നടപടികൾ എളുപ്പമാക്കാൻ ഐഡന്റിറ്റി, സിറ്റിസൻഷിപ്, കസ്റ്റംസ്, പോർട്ട് സെക്യൂരിറ്റി വകുപ്പിന്റെ മാനദണ്ഡങ്ങൾ പാലിക്കണം.
- നല്ല ക്വാളിറ്റിയിൽ എടുത്ത കളർ ഫോട്ടോ ആകണം.
- ഫോട്ടോ 6 മാസത്തിനുള്ളിൽ എടുത്തതായിരിക്കണം.
- ചിത്രത്തിന്റെ വലുപ്പം 35*40 മില്ലിമീറ്റർ ആയിരിക്കണം.
- വെളുത്ത പ്രതലമായിരിക്കണം പശ്ചാത്തലം.
- സ്വാഭാവിക മുഖ ഭാവമായിരിക്കണം. കൂടുതൽ ഭാവ പ്രകടനങ്ങളോ അമിതമായ ചിരിയോ പാടില്ല.
- ഫോട്ടോയിൽ തല നേരെ വയ്ക്കണം, ചരിക്കാൻ പാടില്ല. ക്യാമറയുടെ ലെൻസിന് നേരേയായിരിക്കണം തല.
- കണ്ണുകൾ പൂർണമായും തുറന്നിരിക്കണം. കണ്ണിൽ നിറമുള്ള ലെൻസുകൾ ഉപയോഗിക്കാൻ പാടില്ല.
- കണ്ണും കൃഷ്ണമണിയും കാണുന്നതിനു തടസ്സമുണ്ടാക്കുകയോ ലൈറ്റുകൾ പ്രതിഫലിപ്പിക്കുകയോ ചെയ്യുന്നില്ലെങ്കിൽ കണ്ണടകൾ ഉപയോഗിക്കാം.
- സ്ഥിരമായി താടിയും മീശയും ഉപയോഗിക്കുന്നവരാണെങ്കിൽ ഷേവ് ചെയ്യേണ്ടതില്ല.
- വസ്ത്രം – ഫോർമൽസ്. പൗരന്മാർ കന്തൂറ ധരിക്കണം.
- മത വിശ്വാസത്തിന്റെ ഭാഗമായോ ദേശീയ വസ്ത്രത്തിന്റെ ഭാഗമായോ ഉള്ള ശിരോവസ്ത്രങ്ങൾ ധരിക്കാം.
- കുറഞ്ഞത് 600 ഡിപിഐ എങ്കിലും റസലൂഷൻ വേണം. ചിത്രം അവ്യക്തമാകാൻ പാടില്ല. ചിത്രങ്ങളിൽ എതെങ്കിലും തരത്തിലുള്ള മാറ്റങ്ങൾ സോഫ്റ്റ്വെയർ ഉപയോഗിച്ചു ചെയ്യാൻ പാടില്ല.
