ഗൂഗിൾ സിഇഒ സുന്ദർ പിച്ചൈയുടെയും ബോളിവുഡ് നടൻ സൽമാൻ ഖാന്റെയും അടക്കം 40 കോടി ട്വിറ്റർ ഉപഭോക്താക്കളുടെ വ്യക്തിവിവരങ്ങൾ ചോർന്നതായി റിപ്പോർട്ട്. ഈ വിവരങ്ങൾ ഡാർക്ക് വെബിൽ വിൽപനയ്ക്ക് വച്ചിരിക്കുകയാണെന്നാണ് പുറത്ത് വരുന്ന റിപ്പോർട്ടുകൾ. ഇസ്രയേലി സൈബർ ഇൻ്റലിജൻസ് കമ്പനിയായ ഹഡ്സൺ റോക്ക് ആണ് ഇക്കാര്യം അറിയിച്ചത്.
ട്വിറ്റർ ഉപഭോക്താക്കളുടെ ഇ-മെയിൽ, പേര്, യൂസർനേം, ഫോളോവേഴ്സ്, ചിലരുടെ ഫോൺ നമ്പരുകൾ തുടങ്ങിയവയൊക്കെ വില്പനയ്ക്കുണ്ട്. സമാനമായ രീതിയിൽ മുൻപും ട്വിറ്റർ ഉപഭോക്താക്കളുടെ വിവരങ്ങൾ ചോർത്തപ്പെട്ടിരുന്നെങ്കിലും ഇതുവരെ റിപ്പോർട്ട് ചെയ്തതിൽ വച്ച് ഏറ്റവും വലിയ ഡേറ്റ ചോർച്ചയാണ് ഇപ്പോൾ സംഭവിച്ചിരിക്കുന്നത്.
