ഖത്തര് ലോകകപ്പ് ആദ്യ സെമിയിൽ അര്ജന്റീന ഇന്ന് ക്രൊയേഷ്യയെ നേരിടും. ഇന്ത്യൻ സമയം രാത്രി 12.30നാണ് മത്സരം. ബ്രസീലിനെ പരാജയപ്പെടുത്തിയാണ് ക്രൊയേഷ്യ അവസാന നാലിലെത്തിയത്. ക്വാർട്ടറിൽ നെതര്ലന്ഡ്സിനെ തകർത്താണ് അര്ജന്റീനയുടെ സെമി പ്രവേശനം. നാളെ നടക്കുന്ന രണ്ടാം സെമിയിൽ നിലവിലെ ചാമ്പ്യന്മാരായ ഫ്രാൻസ് മൊറോക്കയെ നേരിടും
ഗ്രൂപ്പ് ഘട്ടത്തിലെ ആദ്യ മത്സരത്തില് പരാജയപ്പെട്ടെങ്കിലും ശക്തമായ തിരിച്ചുവരവാണ് അര്ജന്റീന നടത്തിയത്. പിന്നീടുള്ള മത്സരങ്ങളില് മെകിസ്ക്കോ, പോളണ്ട്, ഓസ്ട്രേലിയ എന്നിവരും അര്ജന്റീനയ്ക്ക് മുന്നില് വീണു. ഇന്ന് ക്രൊയേഷ്യക്കെതിരെ കടുത്ത മത്സരമായിരിക്കുമെന്നാണ് പരിശീലകൻ ലിയോണല് സ്കലോനി പറയുന്നത്. എയ്ഞ്ച്ല് ഡി മരിയ, ഡി പോള് എന്നിവര് കളിക്കുമെന്ന് സൂചനയാണ് അദ്ദേഹം നല്കുന്നത്.
