ലോകകപ്പ് ഫുഡ്ബോളിൽ അർജൻ്റീനയുടെ മത്സരവുമായി ബന്ധപ്പെട്ട് മെസ്സിയുടെ കട്ടൗട്ട് സ്ഥാപിക്കുന്നതിനിടെ അര്ജൻ്റീന ആരാധകനായ യുവാവ് ഷോക്കേറ്റു മരിച്ചു. കോട്ടയം ഇല്ലിക്കല് സ്വദേശിയായ 21 വയസുള്ള അമീന് മുഹമ്മദാണ് മരിച്ചത്. രണ്ടാഴ്ചയായി അമീൻ കോട്ടയം മെഡിക്കല് കോളജില് ചികിത്സയിലായിരുന്നു.
കോട്ടയം താഴത്തങ്ങാടിയില് മെസ്സിയുടെ കൂറ്റന് കട്ടൗട്ട് സ്ഥാപിക്കാനായി കവുങ്ങ് നാട്ടുന്നതിനിടെയാണ് വൈദ്യുതി ലൈനില് തട്ടിയത്. അമീന് ഉള്പ്പടെ മൂന്ന് പേര്ക്ക് വൈദ്യുതാഘാതം ഏറ്റിരുന്നു. രണ്ട് പേര് രക്ഷപ്പെട്ടെങ്കിലും അമീനിൻ്റെ നില ഗുരുതരമാകുകയായിരുന്നു.
ഫുഡ് സേഫ്റ്റി മാനേജ്മെൻ്റ് ബിരുദധാരി ആമീന് മുഹമ്മദിന് കൊച്ചിയിലെ പ്രമുഖ ഹോട്ടലില് ഷെഫായി ജോലി ലഭിച്ചിരുന്നു. ഈ ജോലിയില് പ്രവേശിക്കുന്നതിൻ്റെ തലേന്നാണ് അപകടം നടന്നത്. സംസ്കാരം ഇന്ന്.
