യുഎഇയിൽ നവംബർ 3ന് പതാകദിനം ആചരിക്കാൻ വൈസ് പ്രസിഡൻ്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂം ആഹ്വാനം ചെയ്തു.
യുഎഇയുടെ രണ്ടാമത് പ്രസിഡൻ്റായി ശൈഖ് ഖലീഫ ബിൻ സായിദ് അൽ നഹ്യാൻ 2004ൽ അധികാരമേറ്റതിൻ്റെ സ്മരണാർഥമാണ് പതാക ദിനമായി ആചരിക്കുന്നത്.
ദേശസ്നേഹവും ഐക്യവും അഖണ്ഡതയും പ്രതിധ്വനിക്കുന്ന ചതുർവർണ പതാക രാവിലെ 11 മണിക്ക് സർക്കാർ, സ്വകാര്യ സ്ഥാപനങ്ങളിലും സ്കൂളുകളിലും ഉയർത്താനാണ് നിർദേശം. 1971ൽ സ്വദേശി പൗരൻ അബ്ദുല്ല അൽ മൈന രൂപകൽപന ചെയ്തതാണ് യുഎഇ പതാക.
ദേശീയ പതാകയിലെ നിറങ്ങൾ സൂചിപ്പിക്കുന്നത്
ചുവപ്പ്: ധൈര്യം
പച്ച: പ്രതീക്ഷ
വെള്ള: സത്യസന്ധത
കറുപ്പ്: മനക്കരുത്ത്
