അയോധ്യ: തറക്കല്ലിട്ട് അഞ്ചാം വർഷം അയോധ്യയിലെ രാമക്ഷേത്രത്തിൻ്റെ നിർമ്മാണം പൂർത്തിയായി. ക്ഷേത്ര നിർമ്മാണത്തിലെ അവസാന ചടങ്ങായ പതാക ആരോഹണം പ്രധാനമന്ത്രി നരേന്ദ്രമോദി ആർഎസ്എസ് മേധാവി മോഹൻ ഭാഗവതിൻ്റെ സാന്നിധ്യത്തിൽ നിർവഹിച്ചു.
അയോധ്യക്ഷേത്രത്തിലെ ശിഖിരത്തിൽ 191 അടി ഉയരത്തിലാണ് ധർമ്മ പതാക എന്ന് വിശേഷിപ്പിക്കപ്പെടുന്ന പുതിയ പതാക സ്ഥാപിച്ചത്. കാവി നിറത്തിൽ ത്രികോണാകൃതിയിലുള്ള പതാകയിൽ ഓം എന്ന അക്ഷരവും കോവീദാര വൃക്ഷവും ആലേപനം ചെയ്തിട്ടുണ്ട്.
ക്ഷേത്രത്തിലെത്തും മുൻപ് പ്രധാനമന്ത്രി അയോധ്യ നഗരത്തിൽ റോഡ് ഷോ നടത്തി. 2020-ൽ ക്ഷേത്രത്തിന് തറക്കല്ലിട്ടതും കഴിഞ്ഞ വർഷം പ്രാണപ്രതിഷ്ഠ നടത്തിയതും പ്രധാനമന്ത്രി നരേന്ദ്രമോദിയാണ്.
