കൊച്ചി: ശബരിമല പതിനെട്ടാം പടിയിലെ പൊലീസ് ഫോട്ടോഷൂട്ട് അംഗീകരിക്കാനാവില്ലെന്ന് ഹൈക്കോടതി. ശബരിമലയിൽ പ്രശംസനീയമായ കാര്യങ്ങളാണ് പൊലീസ് ചെയ്യുന്നതെന്നും എന്നാൽ ഫോട്ടോഷൂട്ട് പോലുളള കാര്യങ്ങൾ മനപൂർവ്വമല്ലെങ്കിലും അംഗീകരിക്കാനാവില്ലെന്നും കോടതി പറഞ്ഞു.ശബരിമല പതിനെട്ടാം പടിയിലെ പൊലീസുകാരുടെ ഫോട്ടോഷൂട്ട് വിവാദത്തിൽ പൊലീസുകാര്ക്കെതിരെ ഇന്നലെ നടപടി സ്വീകരിച്ചിരുന്നു.
അച്ചടക്കലംഘനം നടത്തിയെന്ന് കാട്ടിയാണ് 23 പൊലീസുകാരെ കണ്ണൂർ കെഎപി-നാല് ക്യാമ്പിലേക്ക് നല്ല നടപ്പ് പരിശീലനത്തിനയച്ചത്. ഡ്യൂട്ടിയിലുിണ്ടായിരുന്ന പൊലീസുകാർ പതിനെട്ടാം പടിയിൽ പുറതിരിഞ്ഞ് നിന്ന് ഫോട്ടോ എടുത്തത് ഗുരുതര വീഴ്ചയെന്നാണ് സന്നിധാനം സ്പെഷ്യൽ ഓഫീസർ കെ ഇ ബൈജുവിന്റെ റിപ്പോർട്ട്.
ഈ റിപ്പോർട്ടിന്റെ അടിസ്ഥാനത്തിലാണ് ശബരിമലയുടെ ചുമതലയുള്ള എഡിജിപി എസ് ശ്രീജിത്ത് പൊലീസുക്കാര്ക്കെതിരെ നടപടിക്ക് ശുപാർശ ചെയ്തതത്.
