ഷാര്ജ: ക്ലിനിക്കല് സൈക്കോളജിസ്റ്റ് ഡോ.സിജി രവീന്ദ്രന്റെ മൈന്ഡ് മാസ്റ്ററി എന്ന ഇംഗ്ലീഷ് പുസ്തകം ഷാര്ജ അന്താരാഷ്ട്ര പുസ്തകമേളയില് പ്രകാശനം ചെയ്തു. മുന് എം.പി ടി.എന് പ്രതാപന് ഷാര്ജ ഇന്ത്യന് അസോസിയേഷന് പ്രസിഡന്റ നിസാര് തളങ്കരയ്ക്ക് നല്കി പ്രകാശനകര്മ്മം നിര്വ്വഹിച്ചു.
ഗോള്ഡ് എഫ്.എം പ്രോഗ്രാം ഡയറക്ടര് ആര്.ജെ വൈശാഖ് പുസ്തകം പരിചയപ്പെടുത്തി. ഷാര്ജ ബുക്ക് അതോറിറ്റി എക്സ്റ്റേണല് അഫയേഴ്സ് എക്സിക്യൂട്ടീവ് പി.വി മോഹന്കുമാര്, മാധ്യമ പ്രവര്ത്തകരായ വനിത വിനോദ്, ദിപാകേലാട്ട്, അനുപ് കീച്ചേരി തുടങ്ങിയവര് സംസാരിച്ചു. സന്ധ്യരവികുമാർ ആയിരുന്നു പരിപാടിയുടെ അവതാരക. മനശാസ്ത്രവുമായി ബന്ധപ്പെട്ട പ്രശ്നങ്ങള്ക്കുള്ള പരിഹാരങ്ങള് വിവരിക്കുന്ന പുസ്തകമാണ് മൈന്ഡ് മാസ്റ്ററി.
സൈക്കോളജി പഠിക്കാന് താല്പര്യമുള്ളവര്ക്കും ഉപകാരപ്രദമാകുന്ന ഒരു പുസ്തകമാണിത്. ഐവറി ബുക്സാണ് പ്രസാധകര്. conquer your fear to lead a prosperous and happy life എന്നതായിരുന്നു ആദ്യപുസ്തകം. ലൈഫ് കോച്ചും കൗണ്സലിംഗ് എന്.എല്.പി ട്രെയിനറും കൂടിയാണ് പത്തനംതിട്ട സ്വദേശിയായ ഡോ. സിജി രവീന്ദ്രന്.
