2022 ലെ കേന്ദ്ര സാഹിത്യ അക്കാദമി അവാർഡുകൾ പ്രഖ്യാപിച്ചു. മികച്ച ബാലസാഹിത്യത്തിനുള്ള അവാർഡ് കഥാകൃത്തായ സേതുവിനാണ്. ‘ചേക്കുട്ടി ‘ എന്ന നോവലാണ് സേതുവിനെ പുരസ്കാരത്തിനർഹനാക്കിയത്. അനഘ ജെ കോലോത്ത് യുവ സാഹിത്യകാരിക്കുള്ള പുരസ്കാരവും നേടി. ‘ മെഴുകുതിരിക്ക് സ്വന്തം തീപ്പെട്ടി ‘ എന്ന കവിതയ്ക്കാണ് പുരസ്കാരം.
മലയാളം ഉൾപ്പെടെ 12 ഭാഷകളിലുള്ള സാഹിത്യരംഗത്തെ മികച്ച കൃതികളാണ് പുരസ്കാരത്തിനായി പരിഗണിക്കുക. എന്നാൽ പഞ്ചാബി ഭാഷയിലെ കൃതികൾക്ക് ഇത്തവണ അവാർഡ് ലഭിച്ചിട്ടില്ല. 50000 രൂപയും ഫലകവുമാണ് പുരസ്കാരം.
ആലങ്കോട് ലീലാകൃഷ്ണൻ, യു കെ കുമാരൻ, ഡോ. കെ ജയകുമാർ തുടങ്ങിയവരടങ്ങുന്ന ജൂറിയാണ് പുരസ്കാര ജേതാക്കളെ തിരഞ്ഞെടുത്തത്. ഡോ. ജോയ് വാഴയിൽ, ഡോ. കെ മുത്തുലക്ഷ്മി, ഡോ. കെ എം അനിൽ എന്നിവരടങ്ങുന്ന ജൂറിയാണ് യുവസാഹിത്യ പുരസ്കാര ജേതാവിനെ തിരഞ്ഞെടുത്തത്.
