ഇന്ത്യന് സ്വാതന്ത്ര്യദിനം യുഎഇയിലെ ഇന്ത്യക്കാർ വിപുലമായി ആചരിച്ചു. ഇന്ത്യന് കോണ്സുലേറ്റിന്റെ ആഭ്യമുഖ്യത്തില് യുഎഇയിലെ ഏഴ് എമിറേറ്റുകളിലും ത്രിവർണ്ണ പതാക ഉയർത്തി. ഇന്ത്യന് പ്രവാസി സംഘടനകളും പ്രതിനിധികളും പരിപാടികളില് പങ്കെടുത്തു.
വിവിധ ഇടങ്ങളില് നൂറ് കണക്കിന് ഇന്ത്യക്കാര് ആഘോഷ പരിപാടികളുടെ ഭാഗമായി ഒത്തുകൂടി.
അബുദാബിയിലെ ഇന്ത്യൻ എംബസിയിൽ യുഎഇയിലെ ഇന്ത്യൻ അംബാസഡർ സുഞ്ജയ് സുധീറാണ് പതാക ഉയർത്തിയത്.
ദുബായില് ഇന്ത്യൻ കോൺസൽ ജനറൽ ഡോ.അമൻ പുരി ത്രിവർണ പതാക ഉയർത്തി. ഷാർജ, അജ്മാൻ, റാസൽഖൈമ, ഫുജൈറ, ഉമ്മുൽഖുവൈൻ എന്നീ എമിറേറ്റുകളില് ഇന്ത്യന് കോണ്സുലേറ്റ് പ്രതിനിധികളാണ് പതാക ഉയര്ത്തിത്.
യുഎഇ പ്രതിനിധികളും ഇന്ത്യയ്ക്ക് ആശംസകൾ നേര്ന്നു, ഇന്ത്യയും യുഎഇയും തമ്മിലുളള ബന്ധം ആഴമേറിയതാണെന്നും ഇരു രാജ്യങ്ങളുടേയും സഹകരണത്തോടെ നിരവധി ഭാവിപരിപാടികൾ ആസൂത്രണം ചെയ്തിട്ടുണ്ടെന്നും സുഞ്ജയ് സുധീര് വ്യക്തമാക്കി. യുഎഇ നല്കുന്ന പിന്തുണയ്ക്ക് അദ്ദേഹം നന്ദിയും രേഖപ്പെടുത്തി.
യുഎഇയിക്ക് പുറമെ ഇതര ഗൾഫ് രാജ്യങ്ങിലും ഇന്ത്യന് സ്വാതന്ത്രദിനാഘോഷങ്ങൾ നടന്നു. ലോകമാകെയുളള പ്രവാസ ലോകത്ത് ഇന്ത്യക്കാര് ത്രിവര്ണ പതാക ഉയര്ത്തി. സ്വാതന്ത്ര്യത്തിന്റെ 75 വര്ഷം പൂര്ത്തിയാകുമ്പോൾ രാജ്യത്തിന്റെ ത്വാഗോജ്വല പോരാട്ടങ്ങളുടെ സ്മരണകളും ദേശ സ്നേഹവും പ്രവാസ ലോകത്തും അലയടിക്കുകയാണ്. സോഷ്യല് മീഡിയകളിലൂടെയും സ്വാതന്ത്ര്യ ദിനാഘോഷങ്ങളുടെ ഭാഗമാവുകയാണ് പ്രവാസികൾ.
