മസ്കറ്റ്: ഒമാനിലെ സാമൂഹിക പ്രവർത്തകൻ ഫവാസ് കൊച്ചന്നൂർ അന്തരിച്ചു. 42 വയസ്സായിരുന്നു. തൃശ്ശൂർ കുന്നംകുളത്തിനടുത്ത് കൊച്ചന്നൂർ കല്ലുവച്ച പീടികക്കടുത്ത് ചുങ്കം റോഡ് സ്വദേശിയാണ്. ആമിറാത്തിൽ വച്ചാണ് ഫവാസ് മരണപ്പെട്ടത്. ആക്സിഡൻ്റ്സ് ആൻ്റ് ഡിമൈസസ് ഒമാൻ്റെ ട്രഷററും എം.എൻ.എം.എയുടെ രക്ഷാധികാരിയുമായിരുന്നു.
മസ്കത്തിലെ ഒരു സ്വകാര്യ സ്ഥാപനത്തിൽ സെയിൽസ്മാനായി ജോലി ചെയ്തു വരികയായിരുന്നു. പരേതനായ കുറ്റിയേരിയിൽ കുഞ്ഞുമുഹമ്മദാാണ് ഫവാസിൻ്റെ പിതാവ്. മാതാവ് മങ്കിയത്ത് ജമീല. ഷെജ്നയാണ് ഭാര്യ. ഹസ്‍വ മകളാണ്. ഫിറോസ്, ഫാരിസ, ഫായിസ എന്നിവർ സഹോദരങ്ങളാണ്.
നടപടിക്രമങ്ങൾ പൂർത്തീകരിച്ച് നാട്ടിലെത്തിക്കുന്ന മൃതദേഹം വെള്ളിയാഴ്ച പത്ത് മണിക്ക് കൊച്ചന്നൂർ ജൂമാ മസ്ജിദ് ഖബറിസ്ഥാനിൽ ഖബറടക്കുമെന്ന് ആക്സിഡൻ്റ് ആൻഡ് ഡിമൈസസ് ഒമാൻ ഭാരവാഹികൾ പറഞ്ഞു.
