വിവിധ പാര്‍ട്ടികളിലെ എംപിമാര്‍ക്കൊപ്പം ഉച്ചയൂണ് കഴിച്ച് പ്രധാനമന്ത്രി നരേന്ദ്രമോദി. ഞാന്‍ ഇന്ന് നിങ്ങളെ ശിക്ഷിക്കാന്‍ പോവുകയാണെന്ന് പറഞ്ഞാണ് എന്‍ കെ പ്രേമചന്ദ്രന്‍ അടക്കമുള്ള എംപിമാരെ ഉച്ചഭക്ഷണത്തിന് ക്ഷണിച്ചത്.
കഴിഞ്ഞ ദിവസം ഉച്ചയ്ക്കാണ് സംഭവം. പ്രധാനമന്ത്രി കാണണം എന്ന് പറഞ്ഞ് സന്ദേശം ലഭിക്കുക്കുകയായിരുന്നു എംപിമാര്‍ക്ക്. കേന്ദ്രമന്ത്രി എല്‍ മുരുകന്‍, ബിജെപി എംപി സസ്മിത് ബത്ര, ടിഡിപി എംപി റാം മോഹന്‍ നായിഡു, ബിജെപി എംപി എസ് ഫാങ്‌നന്‍ കൊന്യക്, എന്‍ കെ പ്രേമചന്ദ്രന്‍, ബിഎസ്പി എംപി റിതേഷ് പാണ്ഡെ എന്നിവര്‍ക്കാണ് പ്രധാനമന്ത്രിയുടെ ക്ഷണം ലഭിച്ചത്. പാര്‍ലമെന്റ് ക്യാന്റീനിലേക്കാണ് എംപിമാരെ കൊണ്ടുപോയത്. ഒരു മണിക്കൂറോളം പ്രധാനമന്ത്രി എംപിമാര്‍ക്കൊപ്പം ചെലവഴിച്ചു. അതില്‍ വ്യക്തിപരവും രാഷ്ട്രീയപരവുമായ കാര്യങ്ങള്‍ അവര്‍ സംസാരിച്ചുവെന്നും എംപിമാര്‍ പറഞ്ഞു. പെട്ടെന്നുള്ള ക്ഷണം അമ്പരപ്പിച്ചുവെന്നും എന്നാല്‍ ഏറെ സന്തോഷം നല്‍കുന്നതായിരുന്നുവെന്നും എംപിമാര്‍ കൂട്ടിച്ചേര്‍ത്തു.
Enjoyed a sumptuous lunch, made even better thanks to the company of Parliamentary colleagues from various parties and different parts of India. pic.twitter.com/6MWTOCDnPJ
— Narendra Modi (@narendramodi) February 9, 2024
വ്യക്തിജീവിതത്തിലെ ദിനചര്യകളെ കുറിച്ചും മോദി പങ്കുവെച്ചു. ഉറക്കം വെറും മൂന്നര മണിക്കൂര്‍, വൈകിട്ട് ആറ് മണിക്ക് ശേഷം ഭക്ഷണമില്ല, രാവിലെ യോഗ നിര്‍ബന്ധം തുടങ്ങിയ കാര്യങ്ങള്‍ ദിനചര്യയുടെ ഭാഗമാണെന്നും മോദി പറഞ്ഞു. പ്രധാനമന്ത്രിയായ ശേഷം പാകിസ്ഥാനിലെത്തി അപ്രതീക്ഷിതമായി നവാസ് ഷെരീഫിനെ കണ്ട അനുഭവവും നേപ്പാളിലെ ഭൂചലനത്തെക്കുറിച്ച് അവിടുത്തെ പ്രധാനമന്ത്രിയെ താനാണ് വിവരം അറിയിച്ചതെന്നും കച്ച് ഭൂകമ്പം കൈകാര്യം ചെയ്ത അനുഭവത്തിന്റെ വെളിച്ചത്തില്‍ നിരവധി കാര്യങ്ങള്‍ പറഞ്ഞു കൊടുക്കാന്‍ സാധിച്ചെന്നും പ്രധാനമന്ത്രി പങ്കുവെച്ചു.
வாழ்வின் மறக்க முடியாத தருணம்..!
இன்றைய தினம் மக்களவை உணவு விடுதியில் மாண்புமிகு பாரதப் பிரதமர் திரு.@narendramodi ஜி அவர்களுடன் உணவருந்திய மகிழ்ச்சியான தருணம்.
கட்சி பேதமின்றி பல்வேறு மக்களவை உறுப்பினர்களும் கலந்து கொண்டார்கள்.
எங்கள் அனைவருக்குமான உணவுக் கட்டணத்தையும்… pic.twitter.com/0WVSTAwUYl
— Dr.L.Murugan (@Murugan_MoS) February 9, 2024
എംപിമാര്‍ക്കൊപ്പം ചെലവഴിച്ചതിന്റെ ചിത്രങ്ങളും മോദി എക്‌സ്പ്ലാറ്റ്‌ഫോമില്‍ പങ്കുവെച്ചു.
ചോറ്, പരിപ്പ്, ഖിച്ചടി, ലഡു എന്നിവയായിരുന്നു പ്രധാന ഭക്ഷണം. വിഭവ സമൃദ്ധമായ ഉച്ചഭക്ഷണം ആസ്വദിച്ചുവെന്നും വിവിധ പാര്‍ട്ടികളില്‍ നിന്നും ഇന്ത്യയുടെ വിവിധ ഭാഗങ്ങളില്‍ നിന്നുമുള്ള എംപിമാര്‍ക്കൊപ്പമായിരുന്നതിനാല്‍ ഭക്ഷണം ആസ്വാദ്യകരമായിരുന്നുവെന്നും പ്രധാനമന്ത്രി കുറിച്ചു.
