ഗവര്ണര് ആരിഫ് മുഹമ്മദ് ഖാനെതിരായ സമരം തുടരുമെന്ന് എസ്.എഫ്.ഐ സംസ്ഥാന സെക്രട്ടറി പി എം ആര്ഷോ. ഗവര്ണര് അധികാരം ദുര്വിനിയോഗം ചെയ്ത് പൊലീസിനെ ഭീഷണിപ്പെടുത്തുകയാണ്. ഗവര്ണറുടേത് ജനാധിപത്യ സമൂഹത്തെ അപമാനിക്കുന്ന തീരുമാനമാണ്. എങ്ങനെയെങ്കിലും അക്രമസംഭവങ്ങള് നടക്കുക എന്ന നിലയ്ക്ക് ഗവര്ണര് നടത്തുന്ന പൊറാട്ടു നാടകമാണ് ഇതെന്നും പി എം ആര്ഷോ കുറ്റപ്പെടുത്തി.
ജനാധിപത്യ സമരങ്ങളോട് അദ്ദേഹത്തിന് പുച്ഛമാണ്. ഗവര്ണര്ക്കെതിരായ സമരം ശക്തമായി മുന്നോട്ട് പോകും. ഗവര്ണര് അധികാരം ദുര്വിനിയോഗം ചെയ്ത് പൊലീസിനെ ഭീഷണിപ്പെടുത്തുകയാണ്. പ്രോട്ടോക്കോള് ലംഘിച്ചാണ് അദ്ദേഹം പുറത്തിറങ്ങിയത്. തന്നെ ആക്രമിച്ചുവെന്ന് ഗവര്ണര് നുണ പറയുകയാണ്. ഒരു വിദ്യാര്ത്ഥിയും വാഹനത്തിന് സമീപത്തേക്ക് പോയിട്ടില്ല. സമാധാന സമരത്തെ അക്രമമാക്കാന് അദ്ദേഹം ശ്രമിക്കുകയാണ്. ഗവര്ണര് എല്ലാ സാധ്യതകളും ഉപയോഗിക്കട്ടെ എന്നും ആര്ഷോ പറഞ്ഞു.
ഗവര്ണറുടെ ഭീഷണിക്ക് വഴങ്ങേണ്ടവരല്ല പൊലീസ്. പ്രതിഷേധക്കാര്ക്കെതിരെ 124 ചുമത്തിയതില് പ്രതിഷേധമുണ്ട്. അത് ചുമത്തേണ്ട സാഹചര്യം ഒന്നും ഉണ്ടായിരുന്നില്ല എന്നും സര്ക്കാര് ഇടപെടല് ഉണ്ടാകുമെന്നാണ് പ്രതീക്ഷയെന്നും പിഎം ആര്ഷോ തിരുവനന്തപുരത്ത് പറഞ്ഞു.
