ടൊവിനോ തോമസിന്റെ പിറന്നാള് ദിനത്തില് സെറ്റിലെ രസകരമായ സംഭവങ്ങള് കോര്ത്തിണക്കിയ മാഷപ്പ് വീഡിയോ പുറത്തുവിട്ട് അന്വേഷിപ്പിന് കണ്ടെത്തും ടീം. നവാഗതനായ ഡാര്വിന് കുര്യാക്കോസാണ് ചിത്രത്തിന്റെ സംവിധായകന്. ഒരിടവേളയ്ക്ക് ശേഷം ടൊവിനോ പൊലീസ് വേഷത്തില് എത്തുന്ന ചിത്രം കൂടിയാണിത്.
സാധാരണ കുറ്റാന്വേഷണ കഥകളില് നിന്നും വ്യത്യസ്തമായി അന്വേഷകരുടെ കഥയാണ് ചിത്രം പറയുന്നത്. ഒരു കൊലപാതകം അന്വേഷിക്കുമ്പോള് അന്വേഷണ ഉദ്യോഗസ്ഥര് കടന്ന് പോകുന്ന കാര്യങ്ങളെ കുറിച്ചാണ് സിനിമ പറഞ്ഞ് വെക്കുന്നതെന്നാണ് സംവിധായകന് ഡാര്വിന് കുര്യാക്കോസ് എഡിറ്റോറിയലിനോട് പറഞ്ഞത്.
തിയേറ്റര് ഓഫ് ഡ്രീംസിന്റെ ബാനറില് ഡോള്വിന് കുര്യാക്കോസ്, ജിനു വി എബ്രാഹാം, എന്നിവര്ക്കൊപ്പം സരിഗമയുടെ ബാനറില് വിക്രം മെഹ്റയും സിദ്ധാര്ഥ് ആനന്ദ് കുമാറും ചേര്ന്നാണ് ചിത്രം നിര്മ്മിക്കുന്നത്. ഫെബ്രുവരി 9നാണ് ചിത്രം തിയേറ്ററില് എത്തുന്നത്. തെന്നിന്ത്യന് സംഗീത സംവിധായകനായ സന്തോഷ് നാരായണന് ആദ്യമായി പശ്ചാത്തല സംഗീതവും സംഗീതവും നിര്വ്വഹിക്കുന്ന ചിത്രം കൂടിയാണ് അന്വേഷിപ്പിന് കണ്ടെത്തും.
ഛായാഗ്രഹണം: ഗൗതം ശങ്കര്, ചിത്രസംയോജനം: സൈജു ശ്രീധര്, കലാസംവിധാനം: ദിലീപ് നാഥ്, വസ്ത്രാലങ്കാരം: സമീറ സനീഷ്, മേക്കപ്പ്: സജി കാട്ടാക്കട, പ്രൊഡക്ഷന് കണ്ട്രോളര്: സഞ്ജു ജെ, വിഷ്വല് പ്രൊമോഷന്: സ്നേക്ക്പ്ലാന്റ്, പിആര്ഒ: ശബരി.
