അറബിക്കടലില് ചരക്ക് കപ്പല് അഞ്ചംഗ സംഘം റാഞ്ചിയെന്ന് നാവിക സേന. കപ്പല് റാഞ്ചിയവരെ നേരിടാന് നീക്കം തുടങ്ങിയെന്നും നാവിക സേന അറിയിച്ചു. ലൈബീരിയന് പതാകയുള്ള ചരക്ക് കപ്പലാണ് റാഞ്ചിയത്. ഇതില് 15 ഇന്ത്യക്കാര് അടക്കമുള്ളവര് ഉണ്ടെന്നാണ് റിപ്പോര്ട്ട്.
തട്ടിയെടുത്ത കപ്പലിന് ചുറ്റും പറന്ന് നിരീക്ഷണം തുടരുകയാണെന്ന് നാവിക സേന അറിയിച്ചു. ജീവനക്കാര് സുരക്ഷിതരാണോ എന്ന് പരിശോധിച്ച് വരികയാണ്. അതേസമയം കപ്പലിലുണ്ടായിരുന്ന ജീവനക്കാരുമായി ആശയവിനിമയം നടത്തിയതായി സൈനിക വൃത്തങ്ങളെ ഉദ്ധരിച്ച് വാര്ത്താ ഏജന്സിയായ എഎന്ഐ റിപ്പോര്ട്ട് ചെയ്യുന്നു.
യുദ്ധക്കപ്പലായ ഐഎന്എസ് ചെന്നൈ വൈകാതെ ചരക്ക് കപ്പലിന് സമീപത്ത് എത്തുമെന്നും ഇന്ത്യന് നാവിക സേന അറിയിച്ചിട്ടുണ്ട്. അതേസമയം തട്ടിക്കൊണ്ട് പോയത് സംബന്ധിച്ച് കൂടുതല് വിവരങ്ങള് പുറത്തുവന്നിട്ടില്ല.
