സൗജന്യ വാഗ്ദാനങ്ങള്‍ നല്‍കുന്നതിനെതിരെ സംസ്ഥാനങ്ങള്‍ക്ക് മുന്നറിയിപ്പുമായി കേന്ദ്രസര്‍ക്കാര്‍. സംസ്ഥാനങ്ങളുടെ സാമ്പത്തിക നില പരിശോധിച്ച് മാത്രമേ പ്രഖ്യാപനങ്ങള്‍ നടത്താവൂ എന്നും കേന്ദ്രത്തിന്റ മുന്നറിയിപ്പ്. ഇത്തരം നടപടി വലിയ പ്രതിസന്ധിയിലേക്ക് സംസ്ഥാനങ്ങളെ നയിക്കുമെന്ന് ധനമന്ത്രാലയം ചൂണ്ടിക്കാട്ടി.
കടമെടുപ്പ് വര്‍ധിച്ചതും ചെലവ് നിയന്ത്രിക്കാത്തതും മൂലം ശ്രീലങ്കയിലും പാകിസ്ഥാനിലും സാമ്പത്തിക തകര്‍ച്ച നേരിട്ടതും ധനമന്ത്രാലയം ഉദാഹരണമായി ചൂണ്ടിക്കാട്ടി. പെണ്‍കുട്ടികളഉടെ വിദ്യാഭ്യാസമടക്കമുള്ള സാമൂഹ്യക്ഷേമ രംഗത്തെ സൗജന്യങ്ങള്‍ നല്‍കാം. എന്നാല്‍ സൗജന്യമായി വെള്ളവും വൈദ്യുതിയും നല്‍കുന്നത് ഖജനാവ് കാലിയാക്കുന്ന നടപടിയാണെന്നും കേന്ദ്രേം മുന്നറിയിപ്പ് നല്‍കുന്നു. പ്രധാനമന്ത്രി പങ്കെടുത്ത സംസ്ഥാന ചീഫ് സെക്രട്ടറിമാരുടെ മൂന്നാമത് ദേശീയ സമ്മേളനത്തിലാണ് മുന്നറിയിപ്പ് നല്‍കിയത്.
മൂലധന നിക്ഷേപം വര്‍ധിപ്പിക്കണം. സാമ്പത്തിക സ്ഥിതി സംസ്ഥാനങ്ങള്‍ തന്നെ മാനേജ് ചെയ്യണം. ബജറ്റിന് പുറത്തെ കടമെടുപ്പിനെക്കുറിച്ചും സംസ്ഥാനങ്ങള്‍ക്ക് മുന്നറിയിപ്പ് നല്‍കിയിട്ടുണ്ട്.
