യുഎഇയിലെ ഡാമുകളിലെ അധികജലം തുറന്നുവിടും. പൊതുജനങ്ങളും സമീപത്തുള്ള താമസക്കാരും ജാഗ്രത പാലിക്കണമെന്ന് ഊർജ, അടിസ്ഥാന സൗകര്യ മന്ത്രാലയം അറിയിച്ചു. യുഎഇയുടെ ചില ഭാഗങ്ങളിൽ അടുത്തയാഴ്ച മഴ പെയ്യുമെന്ന ദേശീയ കാലാവസ്ഥാ കേന്ദ്രത്തിന്റെ മുന്നറിയിപ്പിനെ തുടർന്നാണ് തീരുമാനം.
വുരായ, ഷൗക്ക, ബുറാഖ്, സിഫ്‌നി, അൽ അജിലി, അസ്വാനി 1, മംദൂഹ് എന്നീ ഡാമുകളിലെ വെള്ളമാണ് തുറന്നു വിടുക. പുറത്തുവിടുന്ന വെള്ളം ഭൂഗർഭജല ശേഖരം വർധിപ്പിക്കുമെന്നും മന്ത്രാലയം കൂട്ടിച്ചേർത്തു. ആഗസ്റ്റ് 14-17 തീയതികളിൽ കിഴക്കൻ, തെക്കൻ മേഖലകളിൽ മഴ പെയ്യുമെന്ന മുന്നറിയിപ്പും അധികൃതർ നൽകിയിട്ടുണ്ട്.
