അയോധ്യയിലെ രാമക്ഷേത്രത്തിന്റെ പ്രതിഷ്ഠ ചടങ്ങിന് സോണിയ ഗാന്ധി പങ്കെടുത്തേക്കും. ക്ഷണം സ്വീകരിച്ചെന്ന് കോണ്ഗ്രസ് മുതിര്ന്ന നേതാവ് ദിഗ് വിജയ് സിംഗ്. സോണിയ ഗാന്ധിയോ അല്ലെങ്കില് പാര്ട്ടിയില് നിന്നുള്ള മറ്റു നേതാക്കളോ ചടങ്ങില് പങ്കെടുക്കുമെന്നാണ് ദിഗ് വിജയ് സിംഗ് അറിയിച്ചത്.
ശ്രീരാമ ജന്മ ഭൂമി ക്ഷേത്ര ട്രസ്റ്റ് അധികൃതരാണ് സോണിയ ഗാന്ധിയെ ക്ഷണിച്ചത്. കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെയെയും ട്രസ്റ്റ് പ്രതിനിധികള് നേരിട്ടെത്തി ക്ഷണിച്ചു. മുന് പ്രധാനമന്ത്രി എച്ച് ഡി ദേവഗൗഡ, മുന് രാഷ്ട്രപതി രാംനാഥ് കോവിന്ദ് എന്നിവര്ക്കും പ്രതിഷ്ഠ ചടങ്ങിന് ക്ഷണമുണ്ട്.
അതേസമയം അയോധ്യ രാമക്ഷേത്രത്തിന്റെ പ്രതിഷ്ഠാ ദിന ചടങ്ങില് ബിജെപി നേതാക്കളായ എല് കെ അദ്വാനിയും മുരളീ മനോഹര് ജോഷിയും പങ്കെടുക്കില്ല. പ്രായാധിക്യം മൂലം അവശത അനുഭവിക്കുന്ന രണ്ട് പേരോടും പങ്കെടുക്കരുതെന്ന് ക്ഷേത്ര ട്രസ്റ്റ് അഭ്യര്ത്ഥിച്ചതായാണ് വിവരം. എന്നാല് മോദിക്ക് വേണ്ടി ഇരുവരെയും ഒഴിവാക്കിയതാണെന്ന ആക്ഷേപം ശക്തമാണ്. ജനുവരി 22നാണ് അയോധ്യയിലെ രാമക്ഷേത്രത്തില് പ്രതിഷ്ഠാ ചടങ്ങുകള് നടക്കുക.
