പ്രതിപക്ഷ നേതാവ് എല്ലാ മര്യാദയും ലംഘിച്ചുവെന്ന് പൊതുമരാമത്ത് മന്ത്ര പി എ മുഹമ്മദ് റിയാസ്. പ്രതിപക്ഷന നേതാവിന്റെ ഡയലോഗുകള് സോഷ്യല് മീഡിയയില് മ്യൂസിക്ക് ഇട്ട് നല്കാന് മാത്രമേ പറ്റൂ. നവകേരള സദസ്സിന്റെ ശോഭ കെടുത്താനാണ് അക്രമം നടത്തുന്നതെന്നും മന്ത്രി പറഞ്ഞു.
രണ്ടരക്കൊല്ലം കാരം എന്തൊക്കെ പറഞ്ഞു, വെറും ‘ഡയലോഗ് സതീശനായി’ വിഡി സതീശന് മാറി,
ഇപ്പോള് പ്രതിപക്ഷ നേതാവ് മുഖ്യമന്ത്രിയെയും മന്ത്രിമാരെയും തെറിവിളിക്കുകയാണ്. സെക്രട്ടറിയേറ്റില് സാധാരണ കൊടിയുമായാണ് സമരം. ഇവിടെ ആണിയടിച്ച പട്ടികയുമായാണ് വരുന്നത്. പൊലീസ് വാഹനം ആക്രമിക്കുന്നു. സമരത്തില് നിന്ന് പിടിച്ചുകൊണ്ടു പോകുന്ന ക്രിമിനല് അംഗങ്ങളെ പ്രതിപക്ഷ നേതാവിന്റെ നേതൃത്വത്തില് പൊലീസ് വാഹനത്തില് നിന്ന് ഇറക്കുയാണ്. അവരെ പ്രതിപക്ഷ നേതാവിന്റെ ഔ ദ്യോഗിക കാറില് കൊണ്ടു പോകുന്നു. ഇതൊക്കെയാണ് കാണുന്നത്. എല്ലാ മര്യാദയും ലംഘിക്കുന്ന കാര്യങ്ങളാണ് കാണുന്നതെന്നും റിയാസ് പറഞ്ഞു.
കോണ്ഗ്രസില് തന്നെ പ്രതിപക്ഷ നേതാവ് ഒറ്റപ്പെടുന്ന സ്ഥിതിയാണ്. വ്യാജ ഐഡികാര്ഡിന്റെ വിഷയത്തില് കൂടുതല് ഒറ്റപ്പെടുന്നു. പ്രതിപക്ഷ നേതാവും അദ്ദേഹത്തിന്റെ സ്വന്തക്കാരും ചേര്ന്ന് ചെയ്തതാണ് വ്യാജ ഐഡി കാര്ഡ് എന്നാണ് പൊതുവെ പറയപ്പെടുന്നത് എന്നും റിയാസ് ആരോപിച്ചു.
