കല്യാണി പ്രിയദര്ശന് കേന്ദ്ര കഥാപാത്രമായ ‘ശേഷം മൈക്കില് ഫാത്തിമ’ എന്ന ചിത്രം ഒടിടി റിലീസിന് ഒരുങ്ങുന്നു. ചിത്രം നെറ്റ്ഫ്ലിക്സിലാണ് സ്ട്രീം ചെയ്യുക. ഡിസംബര് 15ന് ചിത്രം ഒടിടിയില് റിലീസ് ചെയ്യും. മലയാളത്തിന് പുറമെ തെലുങ്ക്, തമിഴ്, കന്നഡ, ഹിന്ദി എന്നീ ഭാഷകളിലും ചിത്രം എത്തും.
മനു സി കുമാറാണ് ചിത്രത്തിന്റെ സംവിധായകന്. മലപ്പുറത്തെ ഫുട്ബോള് ആവേശത്തെ പ്രമേയമാക്കിയാണ് ചിത്രം ഒരുക്കിയിരിക്കുന്നത്. ചിത്രം നവംബര് 17നാണ് തിയേറ്ററിലെത്തിയത്. ദി റൂട്ട്, പാഷന് സ്റ്റുഡിയോസ് എന്നീ ബാനറുകളില് ജഗദീഷ് പളനിസ്വാമിയും സുധന് സുന്ദരവും ചേര്ന്നാണ് ചിത്രം നിര്മ്മിച്ചിരിക്കുന്നത്.
ചിത്രത്തില് കല്യാണിക്കൊപ്പം സുധീഷ്, ഫെമിന ജോര്ജ്, സാബുമോന്, ഷഹീന് സിദ്ധിഖ്, ഷാജു ശ്രീധര്, മാല പാര്വതി, അനീഷ് ജി മേനോന്, സരസ ബാലുശ്ശേരി, പ്രിയ ശ്രീജിത്ത് തുടങ്ങിയവരും അഭിനയിച്ചിട്ടുണ്ട്. സന്താന കൃഷ്ണന് രവിചന്ദ്രന് ആണ് ചിത്രത്തിന്റെ ഛായാഗ്രാഹകന്. കിരണ് ദാസ് – എഡിറ്റര്, സംഗീതം – ഹിഷാം അബ്ദുല് വഹാബ്, കലാ സംവിധാനം – നിമേഷ് താനൂര്, വസ്ത്രാലങ്കാരം-ധന്യാ ബാലകൃഷ്ണന്.
