കേരളത്തിലേക്ക് വീണ്ടും ഒരു വന്ദേഭാരത് ട്രെയിന് കൂടി. തമിഴ്നാട്, കര്ണാടക, കേരളം എന്നീ സംസ്ഥാനങ്ങളെ ബന്ധിപ്പിച്ചുകൊണ്ടാണ് ട്രെയിന് സര്വീസ് നടത്തുക. ചെന്നൈയില്നിന്ന് ബെംഗളൂരുവിലേക്കും ബംഗളൂരുവില്നിന്ന് എറണാകുളത്തേക്കുമായുള്ള വന്ദേഭാരത് സര്വീസാണ് ഉണ്ടാവുക.
മൂന്ന് സംസ്ഥാനങ്ങളെയും ബന്ധിപ്പിച്ചുകൊണ്ട് എട്ട് സര്വീസുകള് നടത്താനാണ് ദക്ഷിണ റെയില്വേ ലക്ഷ്യമിടുന്നത്. ചെന്നൈ-ബെംഗളൂരു, ബെംഗളൂരു-എറണാകുളം സൗത്ത് എന്നിങ്ങനെ ആകെ എട്ട് സര്വീസുകള് ആയിരിക്കും ഉണ്ടാവുക. വൈകിട്ട് ചെന്നൈ സെന്ററില്നിന്ന് പുറപ്പെട്ട് രാവിലെ നാലുമണിയോടെ ബെംഗളൂരുവിലെത്തും. തുടര്ന്ന് നാലരയ്ക്ക് അവിടുന്ന് പുറപ്പെട്ട് എറണാകുളത്ത് ഉച്ചയ്ക്ക് ഒന്നരയോടെ എത്തും. തിരിച്ചും ഈ വിധത്തില് സര്വീസ് നടത്തും.
നിലവില് ദക്ഷിണ റെയില്വേയുടെ കൈവശമുള്ള സ്പെയര് റാക്കുകള് ഉപയോഗിച്ചായിരിക്കും സര്വീസ്. വാരാന്ത്യങ്ങളിലെ തിരക്ക് ഒഴിവാക്കുന്നതിന് ലക്ഷ്യംവെച്ചാണ് പുതിയ സര്വീസുകള്.
