ബലാത്സംഗ കേസില്‍ പ്രതിയായ നടന്‍ ഷിയാസ് കരീം പിടിയില്‍. ചെന്നൈ വിമാനത്താവളത്തില്‍ വെച്ചാണ് ഷിയാസ് കരീമിനെ പിടികൂടിയത്. ദുബായില്‍ നിന്ന് എത്തിയതായിരുന്നു ഷിയാസ്.
ഷിയാസ് കരീമിനെതിരെ ലുക്ക് ഔട്ട് നോട്ടീസ് ഇറക്കിയിരുന്നു. അതിനാല്‍ ഷിയാസിനെ എമിഗ്രേഷന്‍ ഉദ്യോഗസ്ഥര്‍ തടഞ്ഞു വെക്കുകയായിരുന്നു. കാസര്‍കോഡ് ചന്തേര പൊലീസില്‍ വിവരമറിയിച്ചിട്ടുണ്ട്. സംഘം ചെന്നൈയില്‍ എത്തി ഷിയാസിനെ അറസ്റ്റ് ചെയ്യും.
വിവാഹ വാഗ്ദാനം നല്‍കി പീഡിപ്പിച്ചുവെന്നാണ് കാസര്‍ഗോഡ് സ്വദേശിനി ഷിയാസിനെതിരെ ഉന്നയിച്ച പരാതി. വിവാഹ വാഗ്ദാനം നല്‍കി 2021 മുതല്‍ പീഡിപ്പിക്കുന്നുണ്ടെന്നാണ് പരാതി.
എറണാകുളത്ത് ജോലി ചെയ്യുന്ന പരാതിക്കാരിയില്‍ നിന്ന് ഷിയാസ് ലക്ഷങ്ങങ്ങള്‍ തട്ടിയെടുത്തതായും പരാതിപ്പെട്ടിട്ടുണ്ട്.
