ടൈറ്റാനിക് കപ്പലിന്റെ അവശിഷ്ടങ്ങള് കാണാന് അറ്റ്ലാന്റിക് സമുദ്രാന്തര് ഭാഗത്തേക്ക് സഞ്ചാരികളുമായി പുറപ്പെട്ട ടൈറ്റന് എന്ന ജലപേടകം പൊട്ടിത്തെറിച്ച് അഞ്ച് യാത്രികരായിരുന്നു മരിച്ചത്. ഇപ്പോഴിതാ സംഭവം ചിത്രമാക്കാന് ഒരുങ്ങുകയാണ് മൈന്ഡ്റയട്ട് എന്റര്ടൈന്മെന്റ്സ്.
പ്രൊജക്ടിന്റെ സഹ നിര്മാതാവായി ഇ ബ്രയാന് ഡോബിന്സുമുണ്ടാകുമെന്നാണ് റിപ്പോര്ട്ടുകള്. മൈന്ഡ് റയട്ടിന്റെ ജസ്റ്റിന് മക്ഗ്രഗറും ജോനാഥന് കീസിയുമാണ് തിരക്കഥ രചിക്കുന്നത്.
ദുരന്തത്തിന് ഇരയായവര്ക്കും അവരുടെ കുടുംബാംഗങ്ങള്ക്കുമുള്ള ആദരവായിരിക്കും ചിത്രമെന്ന് ജോനാഥന് കീസി പറഞ്ഞു. സത്യമാണ് വലുത്, ലോകത്തിന് സത്യമറിയാനുള്ള അവകാശമുണ്ടെന്നും കീസി പറഞ്ഞു.
ജൂണ് 18ന് അറ്റ്ലാന്റിക് സമുദ്രത്തിന് അടിത്തട്ടിലെ ടൈറ്റാനിക്കിന്റെ അവശിഷ്ടങ്ങള് കാണാന് പുറപ്പെട്ട ജലപേടകത്തിന് ഒരു മണിക്കൂര് 45 മിനുട്ട് കൊണ്ട് തന്നെ മാതൃപേടകവുമായുള്ള ബന്ധം നഷ്ടപ്പെടുകയായിരുന്നു. തുടര്ന്ന് ദിവസങ്ങളായി തെരച്ചില് നടത്തിയെങ്കിലും പേടകത്തെ കണ്ടെത്താനായില്ല. നാല് ദിവസത്തെ തെരച്ചിലിന് ശേഷം ടൈറ്റാനിക്കിന്റെ അവശിഷ്ടങ്ങള്ക്കടുത്ത് ഈ ജല പേടകത്തിന്റെയും അവശിഷ്ടങ്ങള് കണ്ടെത്തുകയായിരുന്നു. ഇതോടെ പേടകത്തിലുണ്ടായിരുന്ന അഞ്ച് യാത്രക്കാരും മരണപ്പെട്ടതായി പ്രഖ്യാപിച്ചു.
ബ്രിട്ടീഷ് വ്യവസായി ഹാമിഷ് ബാര്ഡിംഗ്, ബ്രിട്ടീഷ്-പാകിസ്ഥാനി വ്യവസായി ഷഹ്സാദാ ദാവൂദ് അദ്ദേഹത്തിന്റെ 19 കാരനായ മകന് സുലേമാന്, മുന് ഫ്രഞ്ച് നേവി ഡൈവര് പോള് ഹെന്റി, ഓഷ്യന് ഗേറ്റ് സിഇഒ സ്റ്റോക്ടണ് റഷ് എന്നിവരാണ് കൊല്ലപ്പെട്ടത്.
