ദില്ലി: ജി20 ഉച്ചകോടിപ്രമാണിച്ച് മുന്നൂറോളം ട്രെയിനുകൾ റദ്ദാക്കിയും വഴിതിരിച്ചു വിട്ടും ഇന്ത്യൻ റെയിൽവേ. ദില്ലിയിൽ സെപ്തംബർ 9,10 തീയതികളിലാണ് ജി20 ഉച്ചകോടി നടക്കുന്നത്. സുരക്ഷാകാരണങ്ങൾ മുൻനിർത്തിയാണ് ട്രെയിനുകൾ പലതും റദ്ദാക്കിയതും വഴിതിരിച്ചു വിട്ടതും. സെപ്തംബർ എട്ട് മുതൽ 11 വരെയാണ് ട്രെയിനുകൾ വഴി തിരിച്ചു വിടുന്നതും റദ്ദാക്കിയതും.
ഉത്തരറെയിൽവേ പുറത്തുവിട്ട അറിയിപ്പ് പ്രകാരം ഏതാണ്ട് 207 ട്രെയിനുകൾ റദ്ദാക്കിയിട്ടുണ്ട്. 15 ട്രെയിനുകളുടെ അവസാന സ്റ്റോപ്പ് വേറെ സ്റ്റേഷനുകളിലേക്ക് മാറ്റിയപ്പോൾ ആറ് ട്രെയിനുകൾ വഴിതിരിച്ചു വിട്ടു. ട്രെയിനുകളുടെ റദ്ദാക്കാലും വഴിതിരിച്ചു വിടലും കാരണം യാത്രക്കാർക്ക് ഉണ്ടാവുന്ന ബുദ്ധിമുട്ടുകൾ കണക്കിലെടുത്ത് ഏഴുപതോളം ട്രെയിനുകൾക്ക് അധിക സ്റ്റോപ്പുകളും അനുവദിച്ചിട്ടുണ്ട്. ജമ്മു താവി – ന്യൂഡൽഹി രാജധാനി, തേജ് രാജധാനി, വാരാണാസി – ദില്ലി തേജസ് രാജധാനി എന്നീ ട്രെയിനുകൾക്കാണ് അധിക സ്റ്റോപ്പ് അനുവദിച്ചിട്ടുള്ളത്.
Keeping in view the security and other important arrangement for prestigious #G20Summit 2023 in Delhi Area, Railways have made ‘Train Handling Plan’ as under. The Passengers are requested to plan their journey on the dates shown accordingly :- pic.twitter.com/UuGdA7MbwB
— Northern Railway (@RailwayNorthern) September 2, 2023
